Memleket basshysy Qasym-Jomart Toqaev Qaraǵandy oblysyna jumys saparymen keldi, dep habarlaidy "Ult aqparat" QR Prezidentiniń baspasóz hatshysy Berik Ýálige silteme jasap.
«Prezident sapar barysynda qurylysy biyl aiaqtalǵan bilim jáne sport ortalyqtarynyń jumysymen, pandemiia kezindegi óńirde bilim berý protsessin uiymdastyrý isimen tanysady.
Memleket basshysy birqatar indýstrialdy óndiris oryndaryn aralap kórip, aimaqta júzege asyrylyp jatqan iri investitsiialyq jobalarmen jáne «Saryarqa» arnaiy ekonomikalyq aimaǵynyń damý barysymen tanysady dep josparlanǵan.
Sonymen qatar «ArselorMittal Temirtaý» metallýrgiialyq kombinatyna barady», dep jazdy Berik Ýáli Facebook-tegi paraqshasynda.
