Búgin Memleket basshysy Qasym-Jomart Toqaev jumys saparymen Mańǵystaý oblysyna keldi, dep habarlaidy "Ult aqparat".
«Prezident munda qazaq ádebietiniń kórnekti ókili, jazýshy, qoǵam jáne memleket qairatkeri Ábish Kekilbaiulyna qoiylǵan eskertkishtiń ashylý saltanatyna qatysady. Sonymen qatar, jańadan paidalanýǵa beriletin Ábish Kekilbaiuly atyndaǵy Mańǵystaý oblystyq tarihi-ólketaný mýzeiiniń jumysymen tanysady», - dep jazdy Memleket basshysynyń baspasóz hatshysy Berik Ýáli Facebook-te.
Aita keteiik, biyl ádebietimizdiń alyp báiteregi - Ábish Kekilbaevtyń týǵanyna 80 jyl. Osyǵan orai, qalamgerdiń mereitoiy halyqaralyq deńgeide atalyp ótpek. Mádeni-tanymdyq sharalar legi elimizdiń túkpir-túkpirinde uiymdastyrylady.
