Memleket basshysy Qazaqstan halqy Assambleiasy Tóraǵasynyń orynbasary Janseiit Túimebaevty qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa Qazaqstan halqy Assambleiasynyń qazirgi jumystary, uiymnyń XXVII sessiiasynda berilgen tapsyrmalardyń júzege asyrylý barysy, sondai-aq elimizdegi etnosaralyq qatynas salasyndaǵy jaǵdailar jóninde baiandaldy.
Qazaqstan Prezidenti Assambleianyń júrgizip jatqan jumystary úshin J.Túimebaevqa rizashylyq bildirdi.
«Qazaqstan halqy Assambleiasynyń belsendi jumysy, sonyń ishinde prezident sailaýy barysyndaǵy eńbegi úshin, rizashylyq bildiremin. Qazaqstan halqy Assambleiasy qoǵamymyzdyń birligin saqtaý úshin mańyzdy jumys atqaryp keledi», - dedi Memleket basshysy.
Sonymen qatar, J.Túimebaev Memleket basshysyna Qazaqstan halqy Assambleiasy men Qazaqstan Respýblikasy Konstitýtsiiasynyń 25 jyldyǵyna arnalǵan is-sharalar josparynyń ázirlený barysy týraly málimdedi.
Kezdesý qorytyndysy boiynsha Qazaqstan Prezidenti birqatar naqty tapsyrma berdi.
