Biz eldi, ultty Abaisha súiýdi úirenýimiz kerek. Uly aqyn ultynyń kemshiligin qatty synasa da, tek bir ǵana oidy – qazaǵyn, halqyn tórge jeteleýdi maqsat tutty.
Bul týraly Qasym-Jomart Toqaev óziniń «Abai jáne HHI ǵasyrdaǵy Qazaqstan» atty maqalasynda jazdy, dep habarlaidy "Ult aqparat".
«Abai qazaqtyń ár balasyn ultjandy azamat etip tárbieleýge shaqyrdy. Onyń murasy – parasatty patriotizmniń mektebi, eldikti qadirleýdiń negizi. Sondyqtan, azamattarymyzdyń kózi ashyq bolsyn desek, Abaidy oqýdan, aqyn óleńin jattaýdan jalyqpaǵan jón»,-delingen Memleket basshysynyń maqalasynda.
Prezident maqalasynda sondai-aq Abaidyń mol murasy qazaq ultynyń jańa sapasyn qalyptastyrýǵa qyzmet etetindigin aitady. Onyń shyǵarmalaryndaǵy oi-tujyrymdar árbir jastyń boiynda halqyna, eli men jerine degen patriottyq sezimdi ornyqtyrady. Sondyqtan hakim Abai eńbekteriniń nárin óskeleń urpaqtyń sanasyna sińirý jáne ómirlik azyǵyna ainaldyrý – ultty jańǵyrtýǵa jol ashatyn mańyzdy qadamnyń biri.
