Ýkrainanyń Eýropalyq odaq quramyna qosylýy Eýraziialyq ekonomikalyq odaqqa qandai da bir nuqsan keltirmeidi. Bul týraly Peterbýrg halyqaralyq ekonomikalyq forýmynyń plenarlyq otyrysynda Qazaqstan Prezidenti Qasym-Jomart Toqaev málim etti, dep habarlaidy QazAqparat.
«Ýkrainanyń Eýropalyq odaqqa qosylý múmkindigi Eýraziialyq ekonomikalyq odaqqa qandai da bir nuqsan keltirmeidi dep sanaimyn. Ýkrainanyń Eýropalyq odaqqa qosylýy qalai júrgiziletini basqa másele, sebebi onda óte qatań talaptar bar. Al Ýkrainanyń ekonomikasy bolsa kúrdeli jaǵdaida tur. Osy oraida olarda Ýkraina úshin arnaiy jeńildetilgen baǵdarlama bolýy yqtimal», - dedi Toqaev forýmda qoiylǵan suraqqa jaýap bere otyryp.
Bul turǵyda Memleket basshysy atalǵan eldiń qazirgi jaǵdaiy qasiretke toly ekenin aitty.
Sonymen qatar Qazaqstan Prezidenti keńestik kezeńde Ýkraina Keńes odaǵynyń astyq qoimasy ári ónerkásiptik damyǵan respýblika bolǵanyn eske saldy.
«Eýropalyq odaq týraly máselege toqtalsam, Ýkrainanyń qosylýyna qoldaý kórsetý týraly sheshim qabyldandy. Bul óz kezeginde ekonomikalyq odaq. Eger dál osy ekonomikalyq uiymda Ýkrainany óz qatarlarynda kórgileri kelse, onda muny aqiqat dep qabyldaý kerek», - dedi ol.
