Qazaqstan Prezidenti Qasym-Jomart Toqaev «Mir» telearnasyna bergen suhbatynda elimizdegi tyń igerý naýqanyna qatysty pikir bildirdi, dep habarlaidy QazAqparat.
Suhbat barysynda telearna tilshisi qazaqstandyq tyń igerýdiń nany soǵystan keiingi Keńes Odaǵyn ashtyqtan aman alyp qalǵanyn atap ótti.
«Sizdiń otbasyńyz tyń igerýshilerdiń osy erligine qalai qatysty?», - dep surady jýrnalist.
«Tyń igerý – ol adamzat qolymen iske asyrylǵan eń biregei jobalardyń biri dep paiymdaimyn. Qazaqstannyń Tuńǵysh Prezidenti Nursultan Nazarbaev 2014 jyly tyń ári tyńaiǵan jerlerdi igerýdiń 60 jyldyǵyna arnap sóilegen sózinde, bul HH ǵasyrdyń orasan zor áleýmettik-ekonomikalyq jobasy ekenin jáne álemdik tarihta oǵan teńdes oqiǵa bolmaǵanyn aitty. Tyńdaǵy jumys búkilhalyqtyq is boldy, ony igerýge jappai úndeý jasaldy», - dedi Prezident.
Osy oraida Memleket basshysy myńdaǵan jigerli jastar ári eriktiler osy úndeýdi qoldap, tyń igerýge kirisip ketkenin eske saldy.
«Barshasy eldi kóterýge óz úlesin qosqysy keldi. Meniń ákem Qazaqstandy astyq derjavasyna ainaldyrǵan osy tarihi epopeiany jazǵan jýrnalist retinde tyń iegrý medalimen marapattaldy. Osy nagradany ákem óte joǵary qurmet kóretin», - dedi Qasym-Jomart Toqaev.
