قازاقستان پرەزيدەنتٸ قاسىم-جومارت توقاەۆ «مير» تەلەارناسىنا بەرگەن سۇحباتىندا ەلٸمٸزدەگٸ تىڭ يگەرۋ ناۋقانىنا قاتىستى پٸكٸر بٸلدٸردٸ, دەپ حابارلايدى قازاقپارات.
سۇحبات بارىسىندا تەلەارنا تٸلشٸسٸ قازاقستاندىق تىڭ يگەرۋدٸڭ نانى سوعىستان كەيٸنگٸ كەڭەس وداعىن اشتىقتان امان الىپ قالعانىن اتاپ ٶتتٸ.
«سٸزدٸڭ وتباسىڭىز تىڭ يگەرۋشٸلەردٸڭ وسى ەرلٸگٸنە قالاي قاتىستى?», - دەپ سۇرادى جۋرناليست.
«تىڭ يگەرۋ – ول ادامزات قولىمەن ٸسكە اسىرىلعان ەڭ بٸرەگەي جوبالاردىڭ بٸرٸ دەپ پايىمدايمىن. قازاقستاننىڭ تۇڭعىش پرەزيدەنتٸ نۇرسۇلتان نازارباەۆ 2014 جىلى تىڭ ەرٸ تىڭايعان جەرلەردٸ يگەرۋدٸڭ 60 جىلدىعىنا ارناپ سٶيلەگەن سٶزٸندە, بۇل حح عاسىردىڭ وراسان زور ەلەۋمەتتٸك-ەكونوميكالىق جوباسى ەكەنٸن جەنە ەلەمدٸك تاريحتا وعان تەڭدەس وقيعا بولماعانىن ايتتى. تىڭداعى جۇمىس بٷكٸلحالىقتىق ٸس بولدى, ونى يگەرۋگە جاپپاي ٷندەۋ جاسالدى», - دەدٸ پرەزيدەنت.
وسى ورايدا مەملەكەت باسشىسى مىڭداعان جٸگەرلٸ جاستار ەرٸ ەرٸكتٸلەر وسى ٷندەۋدٸ قولداپ, تىڭ يگەرۋگە كٸرٸسٸپ كەتكەنٸن ەسكە سالدى.
«بارشاسى ەلدٸ كٶتەرۋگە ٶز ٷلەسٸن قوسقىسى كەلدٸ. مەنٸڭ ەكەم قازاقستاندى استىق دەرجاۆاسىنا اينالدىرعان وسى تاريحي ەپوپەيانى جازعان جۋرناليست رەتٸندە تىڭ يەگرۋ مەدالٸمەن ماراپاتتالدى. وسى ناگرادانى ەكەم ٶتە جوعارى قۇرمەت كٶرەتٸن», - دەدٸ قاسىم-جومارت توقاەۆ.
