Qazaqstan Prezidenti Túrkistan qalasynyń áleýmettik-ekonomikalyq damýymen tanysty, dep habarlaidy "Ult aqparat" Aqordanyń resmi saityna silteme jasap.
Memleket basshysy Almaty, Aqmola jáne Qaraǵandy oblystarynyń qoldaýymen salynǵan, jalpy aýmaǵy 32 gektar jerdi qamtityn «Jibek joly» saiabaǵyna bardy. Onda qalada iske asyp jatqan jobalarmen tanysty.
Shara barysynda Qazaqstan Prezidentine Túrkistan halyqaralyq áýejaiynyń qurylysy jaiynda aqparat berildi. Áýejai qurylysy jyl sońyna deiin aiaqtalyp, paidalanýǵa beriledi.
Ekologiia, geologiia jáne tabiǵi resýrstar ministri Maǵzum Myrzaǵaliev Qasym-Jomart Toqaevqa «Qasqasý» taý shańǵysy keshenin damytýǵa jáne óńirdegi sý resýrstaryna qatysty jobalar týraly málimet berdi.
Oblys ákimi Ómirzaq Shókeev oblys ortalyǵyn damytý, Túrkistan qalasyndaǵy mádeni-rýhani jobalardyń júzege asyrylýy, shaharǵa tartylǵan investitsiia kólemi jóninde baiandady. Sondai-aq Prezidentke óńirdegi COVID-19 infektsiiasyna qatysty jaǵdai jáne oǵan qarsy qabyldanǵan sharalar, oblystyq ahýaldyq ortalyqtyń jumysy jaiynda esep berdi.
Sapar sońynda Memleket basshysy Túrkistan oblysynyń ákimshilik-iskerlik ortalyǵynda atqarylyp jatqan jumystarmen tanysty.
