Memleket basshysy «Qazaqstan Respýblikasynyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy.
Bul týraly Aqordanyń resmi saitynan málim boldy.
Zań Memleket basshysynyń jedel-izdestirý qyzmetin nemese sotqa deiingi tergep-tekserýdi júzege asyratyn laýazymdy adamdardyń arandatýshylyq áreketteri úshin qatań jaýapkershilik belgileý týraly tapsyrmasyn iske asyrýǵa baǵyttalǵan.
Zańda memlekettik qyzmetshiler men olardyń otbasy múshelerine syiǵa tartýshynyń paidasyna jasaǵan áreketteri úshin syilyqtarǵa, materialdyq syiaqyǵa jáne qyzmet kórsetýge tolyq tyiym salynǵan.
Zańǵa sáikes sybailas jemqorlyqqa qarsy zańnama kvazimemlekettik sektor sýbektilerinde memlekettik biýdjetten qarjylandyrylatyn jobalardy satyp alý jáne iske asyrý boiynsha negizgi sheshimder qabyldaityn tulǵalarǵa taratyldy.
Zańda týystardyń bir uiymdaǵy birlesken jumysynyń jekelegen máselelerin retteýge, sybailas jemqorlyq quqyq buzýshylyqtar týraly habardar etýge, sybailas jemqorlyqqa qarsy qyzmet qyzmetkerleriniń turǵyn úi tólemderine, kvazimemlekettik sektor sýbektilerinde komplaens-qyzmetter qurýǵa jáne basqalarǵa baǵyttalǵan normalar da kózdelgen.
Zańnyń mátini baspasózde jariialanady.
