Qazaqstan Prezidenti Qasym-Jomart Toqaev Joǵarǵy Sot tóraǵasy Jaqyp Asanovty qabyldady, dep habarlaidy "Ult aqparat" Aqordaǵa silteme jasap.
Memleket basshysyna sottardyń qyzmetin jetildirýge jáne sýdialardyń jumysyna halyqtyń senimin arttyrýǵa baǵyttalǵan 16 zań jobasy ázirlengeni týraly baiandaldy.
Sonymen qatar, salany bilikti kadrlarmen tolyqtyrý úshin júrgizilgen jumystar jaiy da aityldy. Joǵarǵy Sot tóraǵasynyń aitýynsha, biyl engizilgen júie boiynsha sýdialardyń ishinde kezdeisoq mamandar bolmaidy. Aldaǵy 2,5 jyldyń ishinde sot júiesi laiyq emes kadrlardan tolyq tazartylady.
Kezdesý sońynda Qasym-Jomart Toqaev jaqynda bekitilgen sailaýaldy tuǵyrnamasyn júzege asyrý jónindegi is-qimyl Josparynda kórsetilgen sot tóreligin iske asyrý sapasyn arttyrý jáne sot júiesin odan ári jańǵyrtý jónindegi usynystardy júzege asyrý úshin birqatar naqty tapsyrma berdi.
