Memleket basshysy Nursultan Nazarbaev Si Tszinpinge Qytai Kommýnistik partiiasy Ortalyq Komitetiniń Bas hatshysy qyzmetine qaita sailanýyna bailanysty quttyqtaý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Nursultan Nazarbaev Si Tszinpindi Qytai Kommýnistik partiiasy Ortalyq Komitetiniń Bas hatshysy qyzmetine qaita sailanýymen quttyqtady.
«Sizdiń basshylyǵyńyzben Qytai Kommýnistik partiiasy eldiń áleýmettik-ekonomikalyq damýyn qamtamasyz etý jáne halyqtyń ál-aýqatyn jaqsartý barysynda eleýli jetistikterge jetti.
Sizge dostas Qytai memleketiniń halyqaralyq bedeli men áleýmettik-ekonomikalyq qýatyn arttyrý jolyndaǵy damylsyz ári jasampaz eńbegińizge sáttilik tileimin.
Qazaqstan men Qytai arasyndaǵy jan-jaqty strategiialyq qarym-qatynastar aldaǵy ýaqytta da qarqyndy damitynyna, sondai-aq halyqtarymyzdyń dostyǵy nyǵaia túsetinine senim bildiremin», - delingen jedelhatta.
Sońynda Qazaqstan Prezidenti Nursultan Nazarbaev Si Tszinpinge zor densaýlyq pen amandyq tilep, dostas Qytai halqynyń ósip-órkendei berýine niettestigin bildirdi.
