Táýelsizdik jyldary elimizge shetelden tartylǵan tikelei investitsiianyń jalpy kólemi 300 mlrd dollardan asty. Búgin Aqordada Qazaqstanda tirkelgen diplomatiialyq missiialar men halyqaralyq uiymdardyń basshylarymen kezdeý barysynda Elbasy Nursultan Nazarbaev aitty, dep habarlaidy QazAqparat tilshisi.
«Biylǵy jyly Qazaqstannyń Táýelsizdigine 27 jyl bolady. Sony qarsańynda kezdesip otyrmyz. Qazirgi tańda elimiz aýqymdy ári tarihi mańyzdy birneshe reformany iske asyrý jolynda», - dedi Elbasy.
QR Prezidenti biýdjettik saladaǵy 1,3 mln qyzmetkerdiń jalaqysy kóteriletinin, sonymen qatar adam kapitalyn damytý, quqyq júiesin jetildirý, naqty sharalardy iske asyrý kózdelgenin atap ótti. «7-20-25» jáne «Nurly jer», «Nurly jol» basqa da memlekettik baǵdarlamalar halyqtyń áleýmettik jaǵdaiyn jaqsartýǵa baǵyttalǵanyn aitty.
«Ótken jyly Qazaqstan ekonomikasynyń ósimi 4 paiyzǵa jetip, álemdik ortasha kórsetkishten asyp tústi. Biylǵy jyly da osy deńgeide nemese kóbirek bolady dep kútýdemiz»,- dedi Nursultan Nazarbaev.
Sonymen qatar Elbasy Táýelsizdik jyldary elimizge shetelden tartylǵan tikelei investitsiianyń jalpy kólemi 300 mlrd dollardan asqanyn atap ótti.
«Halqymyz baqýatty ómir súrip, 2050 jylǵa qarai ozyq damyǵan 30 eldiń qataryna qosylý degen baǵytty aldymyzǵa qoiyp otyrmyz. Osy negizgi muratty oryndaý úshin búkil halyqty jumyldyryp kelemiz», - dedi Memleket basshysy.
.jpeg)