Qazaqstan Respýblikasynyń Prezidenti Nursultan Nazarbaev Saýd Arabiiasynyń Koroli Salman ben Ábdel Áziz Ál Saýdpen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshylary áńgime barysynda álemdik munai naryǵyndaǵy qazirgi ahýal jóninde pikir almasyp, Nursultan Nazarbaevtyń 2016 jylǵy qazan aiyndaǵy Saýd Arabiiasyna resmi saparynyń qorytyndysy boiynsha qol jetkizilgen ýaǵdalastyqtardyń oryndalý barysyn talqylady.
Saýd Arabiiasynyń Koroli ekijaqty qarym-qatynastyń damýyna erekshe mán beretinin aityp, saýdiialyq kompaniialarǵa Qazaqstandaǵy munai jáne gaz óńdeýge arnalǵan jobalardy júzege asyrýǵa atsalysý jóninde tapsyrma berýge nietti ekenin atap ótti.
Sonymen qatar, Salman ben Ábdel Áziz Ál Saýd Qazaqstan Prezidentin Astanadaǵy «EKSPO-2017» halyqaralyq kórmesiniń jáne Islam yntymaqtastyǵy uiymynyń Ǵylym jáne tehnologiialar jónindegi birinshi sammitiniń tabysty ótýimen quttyqtady.
Sondai-aq, eki el basshylary ózara sapar jasaý tájiribesin jalǵastyrý jóninde ýaǵdalasty.
Telefon arqyly sóilesýge Saýd Arabiiasy jaǵy bastamashy boldy.
