Қазақстан Тәуелсіздігіне 25 жыл

QR Prezidenti OA elderi basshylaryn Araldy qutqarýdy jandandyrýǵa shaqyrdy

QR Prezidenti OA elderi basshylaryn Araldy qutqarýdy jandandyrýǵa shaqyrdy


Araldy qutqarý halyqaralyq qory aiasynda Ortalyq Aziia elderiniń ózara is-qimylyn jandandyrý qajet. Bul týraly Memleket basshysy Qasym-Jomart Toqaev aitty, dep habarlaidy QazAqparat.

«Qazaqstan transshekaralyq ózenderdiń sý resýrstaryn ózara tiimdi paidalaný maqsatymen birlesken gidroenergetikalyq jobalardy júzege asyrýǵa basa mán beredi. Osy oraida Qyrǵyzstanda Qambarata GES-1 qurylysynyń jobasy talqylanýda. Keshe biz, úsh Prezident bul máseleni egjei-tegjeili talqyladyq jáne aldyn ala naqty ári paidaly ýaǵdalastyqtarǵa qol jetkizdik. Gidroelektr stantsiiasy Ortalyq Aziia elderiniń energetikalyq qaýipsizdigin nyǵaitýǵa, aýyl sharýashylyǵy óndirisin keńeitýge múmkindik beredi», - dedi Qazaqstan Prezidenti Ortalyq Aziia memleketteri basshylarynyń IV Konsýltativtik kezdesýinde. 

Sondai-aq, Memleket basshysy Ortalyq Aziia elderi basshylaryn Araldy qutqarý halyqaralyq qory aiasynda memleketterimizdiń ózara is-qimylyn jandandyrýǵa shaqyrdy. 

«Onyń uiymdyq qurylymy men sharttyq-quqyqtyq bazasyn jetildirý jónindegi aimaqtyq jumys tobyndaǵy qyrǵyz tarapynyń jumysyn oń baǵalaimyz. Atalǵan Qor aiasynda qyrǵyz tarapymen aradaǵy tolyqqandy yntymaqtastyqtyń qaita jańǵyratynyna senim bildiremiz», - dedi Toqaev.