Memleket basshysy Qasym-Jomart Toqaev Kýveit memleketiniń ámiri Sheih Naýýaf ál-Ahmad ál-Djaber As-Sabahqa kóńil aitý jedelhatyn joldady.
Aqordadan málim etkendei, Prezident Qasym-Jomart Toqaev Kýveit memleketiniń Ámiri sheih Sabah ál-Ahmad ál-Djaber As-Sabahtyń ómirden ozǵany týraly sýyt habardy tereń kúizelispen qabyldady.
«Sheih Sabah parasatty da kóregen saiasatker, beibitsúigish bitimger retinde álemge tanymal bolyp, onyń aimaqtyq qaýipsizdik pen turaqtylyqty qamtamasyz etýge jumsaǵan kúsh-jigeri halyqaralyq qaýymdastyq tarapynan joǵary baǵasyn alǵany keńinen málim. Baýyryńyzdy Birikken Ulttar Uiymy «Gýmanitarlyq kósem» dep tanýy da osynyń aiqyn dáleli ekeni sózsiz. Qazaqstandyqtardyń jadynda sheih Sabahtyń esimi Qazaqstan men Kýveittiń berik dostyǵy men san qyrly yntymaqtastyǵyn damytýǵa súbeli úles qosqan qairatker, Otanyn sheksiz súigen azamat retinde máńgi saqtalady. Qaraly sátte Sizge jáne áýletińizge, sondai-aq barsha otandastaryńyzǵa Qazaqstan halqynyń jáne jeke ózimniń atymnan qaiǵylaryńyzǵa ortaqtasyp, kóńil aitamyn», – delingen jedelhatta.
