Búgin Aqordada Qaýipsizdik keńesiniń otyrysynda Memleket basshysy Nursultan Nazarbaev Qazaqstan halqyn tolǵandyratyn ózekti máselelerdi atady, dep habarlaidy QazAqparat.
«Áleýmettik zertteý qorytyndysy belgilengen alty problemanyń arasynda birinshi orynda kommýnaldyq qyzmetterdiń joǵary quny turǵanyn kórsetti», - dedi Memleket basshysy.
Munymen qosa, Prezident qazaqstandyqtardy tolǵandyratyn máselelerdiń ishinde qymbat meditsinalyq qyzmet kórsetý men bilim berý, sondai-aq bilim salasynyń sapasy bar ekenin atap ótti.
«Osylardyń barlyǵyn biz zerdeleýimiz kerek. Joldaý aiasynda halyqtyń ál-aýqatyn, eń tómengi eńbekaqyny kóteretindigimizdi, turǵyn úi qurylysy taqyryby, gaz tartý baǵyty atalyp ótti. Osy jumystar eldiń ál-aýqatyn kóterýge negizdelip otyr», - dedi N. Nazarbaev.
Budan buryn habarlanǵandai, jaqynda QR Bas prokýrory Qairat Qojamjarov kommýnaldyq tarifter salasyna júrgizilgen tekserýdiń nátijesin jariialady.
«Astanaenergosbyt» negizsiz tariftiń arqasynda elorda turǵyndarynan 2,6 mlrd teńgege artyq qarjy alǵany málim boldy.
