QR Prezidenti Qasym-Jomart Toqaev qazaqstandyqtardy Alǵys aitý kúnimen quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
***
Qurmetti qazaqstandyqtar!
Barshańyzdy Alǵys aitý kúnimen shyn júrekten quttyqtaimyn!
Elbasy belgilegen bul meiram – ózara qurmet pen senimniń, meiirim men izgiliktiń merekesi.
Qazaq jurty qiyn-qystaý kezeńde amalsyz qonys aýdarǵan milliondaǵan adamnyń qutty mekenine ainaldy. Olardyń ózderi de, urpaqtary da jerimizden pana taýyp, ósip-ónip, Qazaqstannyń damýyna zor úles qosty.
Bul kúni biz eldi órkendetetin tatý tirshilik pen jarasymdy syilastyq jolyndaǵy nietimizdiń toǵysqany úshin bir-birimizge alǵys aitamyz.
Táýelsizdik kezeńindegi tabystarǵa bereke-birliktiń arqasynda ǵana qol jetkizdik. Bul – egemen elimizdiń baǵa jetpes bailyǵy.
Sondyqtan bul qasterli qundylyqtar árdaiym ainymas temirqazyǵymyz bolyp qala beredi. Ishki saiasi turaqtylyq – árbir qazaqstandyqtyń zor jaýapkershilik pen belsendilik tanytýynyń nátijesi.
Elimizdiń barlyq azamattaryna Qazaqstandy damytýǵa qosqan ólsheýsiz úlesi úshin shynaiy rizashylyǵymdy bildiremin.
Ár otbasyna amandyq pen igilik tileimin!
