قر پرەزيدەنتٸ قاسىم-جومارت توقاەۆ قازاقستاندىقتاردى العىس ايتۋ كٷنٸمەن قۇتتىقتادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
***
قۇرمەتتٸ قازاقستاندىقتار!
بارشاڭىزدى العىس ايتۋ كٷنٸمەن شىن جٷرەكتەن قۇتتىقتايمىن!
ەلباسى بەلگٸلەگەن بۇل مەيرام – ٶزارا قۇرمەت پەن سەنٸمنٸڭ, مەيٸرٸم مەن ٸزگٸلٸكتٸڭ مەرەكەسٸ.
قازاق جۇرتى قيىن-قىستاۋ كەزەڭدە امالسىز قونىس اۋدارعان ميلليونداعان ادامنىڭ قۇتتى مەكەنٸنە اينالدى. ولاردىڭ ٶزدەرٸ دە, ۇرپاقتارى دا جەرٸمٸزدەن پانا تاۋىپ, ٶسٸپ-ٶنٸپ, قازاقستاننىڭ دامۋىنا زور ٷلەس قوستى.
بۇل كٷنٸ بٸز ەلدٸ ٶركەندەتەتٸن تاتۋ تٸرشٸلٸك پەن جاراسىمدى سىيلاستىق جولىنداعى نيەتٸمٸزدٸڭ توعىسقانى ٷشٸن بٸر-بٸرٸمٸزگە العىس ايتامىز.
تەۋەلسٸزدٸك كەزەڭٸندەگٸ تابىستارعا بەرەكە-بٸرلٸكتٸڭ ارقاسىندا عانا قول جەتكٸزدٸك. بۇل – ەگەمەن ەلٸمٸزدٸڭ باعا جەتپەس بايلىعى.
سوندىقتان بۇل قاستەرلٸ قۇندىلىقتار ەردايىم اينىماس تەمٸرقازىعىمىز بولىپ قالا بەرەدٸ. ٸشكٸ ساياسي تۇراقتىلىق – ەربٸر قازاقستاندىقتىڭ زور جاۋاپكەرشٸلٸك پەن بەلسەندٸلٸك تانىتۋىنىڭ نەتيجەسٸ.
ەلٸمٸزدٸڭ بارلىق ازاماتتارىنا قازاقستاندى دامىتۋعا قوسقان ٶلشەۋسٸز ٷلەسٸ ٷشٸن شىنايى ريزاشىلىعىمدى بٸلدٸرەمٸن.
ەر وتباسىنا اماندىق پەن يگٸلٸك تٸلەيمٸن!
