Qazaqstan Prezidenti Eýropadaǵy qaýipsizdik jáne yntymaqtastyq uiymynyń tóraǵasy Miroslav Laichakpen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev Qazaqstannyń syrtqy saiasatynyń beibitshildik sipatyn atap ótip, elimizdiń halyqaralyq uiymdarmen aradaǵy syndarly yntymaqtastyqqa adal ekenin aitty.
– Sizdiń Slovakiianyń Syrtqy ister ministri ári Eýropadaǵy qaýipsizdik jáne yntymaqtastyq uiymynyń qazirgi tóraǵasy retinde Nur-Sultan qalasyna kelgenińizge qýanyshtymyn, – dedi Memleket basshysy.
Halyqaralyq uiym jetekshisi EQYU-nyń maqsaty qaqtyǵystardyń aldyn alý, qaýipsizdikti qamtamasyz etý, jan-jaqty tiimdi yntymaqtastyq ornatý ekenin atap ótti, sondai-aq Qazaqstannyń halyqaralyq daǵdarystardy retteýdegi strategiialyq róline erekshe toqtaldy.
– Meni jáne delegatsiiamyzdy qabyldaýǵa ýaqyt tapqanyńyz úshin Sizge alǵys aitamyn. Múmkindikti paidalana otyryp, Prezident laýazymyna kirisýińizben quttyqtaimyn, sondai-aq Sizge jáne elińizge zor tabys tileimin. Eýropadaǵy qaýipsizdik jáne yntymaqtastyq uiymynyń tóraǵasy retinde Qazaqstanǵa kelgenime qýanyshtymyn, – dedi Miroslav Laichak.
Kezdesý aiasynda taraptar kún tártibindegi óńirlik jáne halyqaralyq ózekti máselelerdi talqylap, Qazaqstan Respýblikasynyń Eýropadaǵy qaýipsizdik jáne yntymaqtastyq uiymymen yqpaldastyǵynyń perspektivalaryna toqtaldy.
