Memleket basshysy Qasym-Jomart Toqaev Dúniejúzilik saýda uiymynyń bas direktory Ngozi Okondjo-Ivealamen kezdesý ótkizdi. Bul týraly Aqordanyń baspasóz qyzmeti málim etti, dep habarlaidy "Ult aqparat".
Kezdesý barysynda Qazaqstan men Dúniejúzilik saýda uiymy arasyndaǵy yntymaqtastyqtyń perspektivalary, onyń ishinde DSU-ǵa múshe elder ministrleriniń 12-konferentsiiasyna elimizdiń tóraǵalyq etý máselesi talqylandy. Sondai-aq halyqaralyq saýdany damytýdyń ózekti máseleleri jóninde pikirlerin ortaǵa saldy.
26 qarashada DSU Uiymǵa múshe memleketter ministrleriniń 12-konferentsiiasynyń ótetin ýaqytyn keiinge shegerý jóninde málimdeme jasady. Jiyn 30 qarasha men 3 jeltoqsan aralyǵynda Jenevada ótýge tiis edi.
Ngozi Okondjo-Iveala indettiń órshýine bailanysty ministrler konferentsiiasyn keiinge shegerýge týra kelgeni ókinishti jáiit ekenin jáne onyń óte aýyr sheshim bolǵanyn aitty. Kezdesýge qatysýshylar is-sharany ótkizýdiń yqtimal jańa merzimderin talqylady.
Prezident DSU-men aradaǵy yntymaqtastyqtyń mańyzdylyǵy týraly aita kele, pandemiia jaǵdaiynda Uiymnyń álemdik ekonomikany qaita qalpyna keltirý isindegi negizgi róline nazar aýdardy.
Qasym-Jomart Toqaev Ngozi Okondjo-Ivealanyń basshylyǵymen vaktsinanyń barlyq adamǵa birdei teń dárejede qoljetimdiligin qamtamasyz etý úshin DSU-ǵa múshe memlekettermen, negizgi halyqaralyq uiymdarmen jáne vaktsina óndirýshilermen júrgizilip jatqan konstrýktivti dialogqa qoldaý bildirdi.
Áńgimelesý barysynda 2022 jyldyń qarasha aiyna josparlanyp otyrǵan Qazaqstannyń Dúniejúzilik saýda uiymyndaǵy saýda saiasatyna alǵashqy sholýynyń shyǵarylymy talqylandy. Prezident elimiz úshin osy oqiǵanyń asa mańyzdy ekenin atap ótti.
Memleket basshysy Qazaqstannyń DSU qaǵidalary men erejelerine, sondai-aq osy uiymǵa kirgen kezde ózine júktelgen mindetterge beiildiligin rastai alatynyna senim bildirdi.
Kezdesý sońynda Qasym-Jomart Toqaev Ngozi Okondjo-Ivealany Qazaqstanǵa saparmen kelýge shaqyrdy.
