Prezident Qasym-Jomart Toqaev Qazaqstannyń keleshegin «Bolashaq» baǵdarlamasymen tikelei bailanystyratynyn aitty, dep habarlaidy QazAqparat.
«Qazaqstan - zamanǵa sai memleket. Zamanǵa sai sipaty da jańara bermek. Sebebi, bizdiń jastar «Bolashaq» baǵdarlamasy boiynsha Batystan oqyp kelip jatyr. «Bolashaq» - memlekettik baǵdarlama. Shynynda da, Qazaqstannyń bolashaǵyn «Bolashaq» baǵdarlamasymen tikelei bailanystyramyz. Sol sekildi, qazir grant utyp alyp, bolmasa shákirtaqyǵa ie bolyp, kez kelgen joǵary oqý ornynda oqi berýge bolady. Jastar ketip jatsa da, eshqandai kedergi keltirmeitinimiz anyq. Tipti jaqsy bilim alyp, Batystyń bir elinde jumysqa tursa, biz ol adamdy joǵaltyp alamyz dep eseptemeimin. Báribir ol túbi qazaq bolyp qala beredi. Ol báribir ainalyp kelgende óz eliniń órleýine úles qosyp, ekonomikasynyń órkendeýine, memleketiniń damýyna atsalysqysy keleri anyq», - dedi Prezident «Deutsche Welle» teleradiokompaniiasyna bergen suhbatynda.
Aita ketsek, buǵan deiin Memleket basshysy Qasym-Jomart Toqaevtyń 5-6 jeltoqsan kúnderi Germaniiaǵa memlekettik sapary qarsańynda «Deutsche Welle» teleradiokompaniiasyna suhbat bergenin habarlaǵan bolatynbyz.
