قر پرەزيدەنتٸ: باتىستا قالاتىن قازاقتار اينالىپ كەلگەندە مەملەكەت دامۋىنا ٷلەس قوسادى

پرەزيدەنت قاسىم-جومارت توقاەۆ قازاقستاننىڭ كەلەشەگٸن «بولاشاق» باعدارلاماسىمەن تٸكەلەي بايلانىستىراتىنىن ايتتى, دەپ حابارلايدى قازاقپارات.

«قازاقستان - زامانعا ساي مەملەكەت. زامانعا ساي سيپاتى دا جاڭارا بەرمەك. سەبەبٸ, بٸزدٸڭ جاستار «بولاشاق» باعدارلاماسى بويىنشا باتىستان وقىپ كەلٸپ جاتىر. «بولاشاق» - مەملەكەتتٸك باعدارلاما. شىنىندا دا, قازاقستاننىڭ بولاشاعىن «بولاشاق» باعدارلاماسىمەن تٸكەلەي بايلانىستىرامىز. سول سەكٸلدٸ, قازٸر گرانت ۇتىپ الىپ, بولماسا شەكٸرتاقىعا يە بولىپ, كەز كەلگەن جوعارى وقۋ ورنىندا وقي بەرۋگە بولادى. جاستار كەتٸپ جاتسا دا, ەشقانداي كەدەرگٸ كەلتٸرمەيتٸنٸمٸز انىق. تٸپتٸ جاقسى بٸلٸم الىپ, باتىستىڭ بٸر ەلٸندە جۇمىسقا تۇرسا, بٸز ول ادامدى جوعالتىپ الامىز دەپ ەسەپتەمەيمٸن. بەرٸبٸر ول تٷبٸ قازاق بولىپ قالا بەرەدٸ. ول بەرٸبٸر اينالىپ كەلگەندە ٶز ەلٸنٸڭ ٶرلەۋٸنە ٷلەس قوسىپ, ەكونوميكاسىنىڭ ٶركەندەۋٸنە, مەملەكەتٸنٸڭ دامۋىنا اتسالىسقىسى كەلەرٸ انىق», - دەدٸ پرەزيدەنت «Deutsche Welle» تەلەراديوكومپانيياسىنا بەرگەن سۇحباتىندا.

ايتا كەتسەك, بۇعان دەيٸن مەملەكەت باسشىسى قاسىم-جومارت توقاەۆتىڭ 5-6 جەلتوقسان كٷندەرٸ گەرمانيياعا مەملەكەتتٸك ساپارى قارساڭىندا «Deutsche Welle» تەلەراديوكومپانيياسىنا سۇحبات بەرگەنٸن حابارلاعان بولاتىنبىز.