Aqmola oblysynyń ákimi bolǵan Málik Myrzalin jańa qyzmetke taǵaiyndaldy. Bul týraly memleket basshysynyń jarlyǵy Aqorda saitynda jariialanǵan.
"Myrzalin Málik Keńesbaiuly Aqmola oblysy ákimi qyzmetinen bosatylyp, Qazaqstan Respýblikasynyń prezidenti ákimshiligi basshynyń orynbasary bolyp taǵaiyndalsyn", - delingen resmi qujatta.
Málik Keńesbaiuly Myrzalin 1971 jyly dúniege kelgen. Máskeý memlekettik halyqaralyq qatynastar institýtyn bitirgen. Ǵylymi dárejesi - saiasi ǵylymdar kandidaty.
Eńbek jolyn 1989 jyly bastady. 1995 jyldyń qazanynan 2004 jyldyń qańtaryna deiin Qazaqstannyń syrtqy ister ministrligi júiesinde, 2004 jyldyń qańtary men 2006 jyldyń sáýiri aralyǵynda Soltústik Qazaqstan oblysy ákimi apparatynyń basshysy bolyp istedi.
- 2006 jyldyń sáýirinen bastap - Soltústik Qazaqstan oblysy ákiminiń orynbasary;
- 2007 jyldyń naýryzynan bastap - Soltústik Qazaqstan oblysy ákiminiń birinshi orynbasary;
- 2008 jyldyń qarashasynan 2009 jyldyń jeltoqsanyna deiin – "Nur Otan" partiiasynyń Ortalyq apparaty basshysy orynbasary;
- 2010 jyldyń sáýir-mamyry — "Qazaqstan temir joly" UK" AQ prezidentiniń keńesshisi;
- 2010 jyldyń mamyrynan 2011 jyldyń tamyzyna deiin – Qazaqstannyń Prezidenti Is basqarmasy apparaty basshysy;
- 2011 jyldyń tamyzynan bastap 2013 jyldyń shildesine deiin - Qazaqstan Respýblikasy Din isteri agenttiginiń jaýapty hatshysy;
2013 jyldyń shildesinde Qazaqstan prezidenti is basqarýshysynyń orynbasary, 2017 jyldyń qańtarynda Qazaqstan prezidenti is basqarýshysynyń birinshi orynbasary bolyp taǵaiyndaldy. Al 2017 jyldyń naýryzynda Aqmola oblysynyń ákimi qyzmetine keldi.
Sonymen birge, Málik Myrzalin "Eren eńbegi úshin" medaliniń iegeri, Qazaqstannyń sport qairatkeri. Úsh balanyń ákesi.
