Aqtaý qalasyndaǵy Dostyq úiinde jurtshylyqpen kezdesý barysynda QR Prezidenti Qasym-Jomart Toqaev Ábish Kekilbaev mýzeiiniń qurylysyn sapaly jáne ýaqtyly bitirýdi tapsyrdy, dep habarlaidy "Ult aqparat" Aqordanyń Týitterdegi paraqshasyna silteme jasap.
«Kieli ólkeden shyqqan aitýly tulǵalardy barsha halqymyz jaqsy biledi. Solardyń biregeii - zańǵar jazýshymyz, memleket qairatkeri, qazaqtyń abyzy atanǵan Ábish Kekilbaev», - dedi jiynda Memleket basshysy.
Onyń aitýynsha jazýshynyń mereitoiy joǵary deńgeide atalyp ótiledi.
«Qazir Ábish Kekilbaev mýzeii salynyp jatyr. Oblys ákimine qurylys jumystaryn sapaly jáne ýaqtyly bitirýdi tapsyramyn. Mereitoidy biz tutas el bolyp, joǵary deńgeide atap ótemiz», - dedi QR Prezidenti.
