Asqar Jumaǵaliev premer-ministrdiń orynbasary qyzmetine taǵaiyndaldy, - dep habarlaidy "Ult aqparat" Aqordaǵa silteme jasap.
"Asqar Qýanyshuly Jumaǵaliev Qazaqstan Respýblikasy Premer-Ministriniń orynbasary bolyp taǵaiyndalsyn", - delingen Jarlyqta.
Munyń aldynda Jumaǵaliev "Qazatomónerkásip" UAK" AQ Basqarma tóraǵasy qyzmetinde bolǵan.
Asqar Jumaǵaliev - 1972 jyly 2 tamyzda RKFSR Orynbor oblysynda týǵan. Sverdlovsk Sývorov áskeri ýchilishesin, Qazaq ulttyq tehnikalyq ýniversitetin, Qazaq gýmanitarlyq zań ýniversitetin jáne Shveitsariia federaldyq tehnologiialar institýtyn (Lozanna qalasy) bitirgen. Ár jyldary "Jaryq" JShS bas direktory, Qazaqstan Respýblikasynyń Kólik jáne kommýnikatsiialar ministrliginde sektor meńgerýshisi, bólim, basqarma bastyǵy qyzmetterin atqaryp, QR Aqparattandyrý jáne bailanys agenttigi tóraǵasynyń birinshi orynbasary, tóraǵasy, "Qazaqtelekom" AQ prezidenti boldy. 2010 jyldan 2014 jylǵa deiin Qazaqstan Respýblikasynyń bailanys jáne aqparat ministri, Kólik jáne kommýnikatsiialar ministri bolyp, Bailanys jáne aqparat agenttigine tóraǵalyq etti.
