QR Premer-Ministriniń birinshi orynbasary Roman Skliar Aqtóbe oblysyna jumys sapary barysynda Alǵa aýdany Tamdy aýylynda sý tasqynynan qalyptasqan jaǵdaidy tekserdi. Onda 2 myńnan astam adam turady. Keshe Elek ózeninen kelgen sý dambydan asyp, aýylǵa kirgen, dep habarlaidy "Ult aqparat".
Roman Skliarǵa qutqarý jumystaryna 50-ge jýyq adam jumyldyrylyp, 80 tonna inertti material daiyndalǵany jóninde baiandaldy. Qazir jaǵdai qalypty. Aýlalaryna sý kirgen úilerge kómek kórsetildi.
Aýyl turǵyndary Roman Skliarǵa keler jyly sý tasqynynyń aldyn alý úshin dambyǵa jóndeý jumystaryn júrgizip, Elek ózeniniń arnasyn tazartý kerektigin aityp, kómek surady.
«Sý tasqynyna bailanysty ahýal Premer-Ministrdiń jáne Úkimettiń turaqty baqylaýynda. Barlyq qajetti sharalar qabyldanady. Tabiǵi apattan zardap shekken azamattarǵa jan-jaqty kómek kórsetiledi», — dep atap ótti Roman Skliar.
Elek ózeni boiyndaǵy Tamdydaǵy dambynyń uzyndyǵy 2,6 shaqyrym, biiktigi 2-2,5 metr. Dambyda 10 shliýz ornalasqan. Qazir ony jóndeý máselesi sheshilip jatyr.
