قر پرەمەر-مينيسترٸنٸڭ بٸرٸنشٸ ورىنباسارى رومان سكليار اقتٶبە وبلىسىنا جۇمىس ساپارى بارىسىندا العا اۋدانى تامدى اۋىلىندا سۋ تاسقىنىنان قالىپتاسقان جاعدايدى تەكسەردٸ. وندا 2 مىڭنان استام ادام تۇرادى. كەشە ەلەك ٶزەنٸنەن كەلگەن سۋ دامبىدان اسىپ, اۋىلعا كٸرگەن, دەپ حابارلايدى "ۇلت اقپارات".
رومان سكليارعا قۇتقارۋ جۇمىستارىنا 50-گە جۋىق ادام جۇمىلدىرىلىپ, 80 توننا ينەرتتٸ ماتەريال دايىندالعانى جٶنٸندە باياندالدى. قازٸر جاعداي قالىپتى. اۋلالارىنا سۋ كٸرگەن ٷيلەرگە كٶمەك كٶرسەتٸلدٸ.
اۋىل تۇرعىندارى رومان سكليارعا كەلەر جىلى سۋ تاسقىنىنىڭ الدىن الۋ ٷشٸن دامبىعا جٶندەۋ جۇمىستارىن جٷرگٸزٸپ, ەلەك ٶزەنٸنٸڭ ارناسىن تازارتۋ كەرەكتٸگٸن ايتىپ, كٶمەك سۇرادى.
«سۋ تاسقىنىنا بايلانىستى احۋال پرەمەر-مينيستردٸڭ جەنە ٷكٸمەتتٸڭ تۇراقتى باقىلاۋىندا. بارلىق قاجەتتٸ شارالار قابىلدانادى. تابيعي اپاتتان زارداپ شەككەن ازاماتتارعا جان-جاقتى كٶمەك كٶرسەتٸلەدٸ», — دەپ اتاپ ٶتتٸ رومان سكليار.
ەلەك ٶزەنٸ بويىنداعى تامدىداعى دامبىنىڭ ۇزىندىعى 2,6 شاقىرىم, بيٸكتٸگٸ 2-2,5 مەتر. دامبىدا 10 شليۋز ورنالاسقان. قازٸر ونى جٶندەۋ مەسەلەسٸ شەشٸلٸپ جاتىر.
