QR Premer-Ministriniń Baspasóz hatshysy bolyp Zarina Nurlanova taǵaiyndaldy, dep habarlaidy "Ult aqparat" Premer-ministrdiń baspasóz qyzmetine silteme jasap.
"QR Premer-Ministriniń ókimimen Zarina Nurlanqyzy Nurlanova QR Premer-Ministriniń Baspasóz qyzmetiniń basshysy — QR Premer-Ministriniń baspasóz hatshysy laýazymyna taǵaiyndaldy" delingen habarlamada.
Zarina Nurlanova 1986 jyly Almaty oblysynyń Taldyqorǵan qalasynda dúniege kelgen. 2008 jyly Qazaq gýmanitarlyq zań ýniversitetin «áleýmettaný» mamandyǵy boiynsha, 2017 jyly «KAZGIýÝ ýniversiteti» AQ jáne UBIS ýniversitetin iskerlik ákimshiliktendirý mamandyǵy boiynsha támamdaǵan. Qazaq, orys jáne aǵylshyn tilderin meńgergen.
Eńbek jolyn 2009 jyly «Arna Media Advertising» JShS menedjeri retinde bastaǵan. Túrli jyldary «Qazkontent» AQ atqarýshy, basqarýshy direktory, basqarma tóraǵasynyń orynbasary bolyp qyzmet etken, Eýraziialyq integratsiia institýtyn basqarǵan, sondai-aq, QR aqparat jáne kommýnikatsiialar ministriniń keńesshisi laýazymyn atqarǵan.
