«Nur Otan» partiiasy bastamashy bolǵan «Arys, biz birgemiz» aktsiiasyn qoldaý maqsatynda Qazaqstan Respýblikasy Premer-Ministri Keńsesiniń qyzmetkerleri zardap shekken turǵyndarǵa bir kúndik eńbekaqylaryn aýdarady, dep habarlaidy "Ult aqparat".
Jinalǵan qarjy Túrkistan oblysy Arys qalasynyń turǵyndaryna gýmanitarlyq kómek kórsetýge, onyń ishinde ýaqytsha ornalastyrýǵa, aspen, kiimmen qamtýǵa, áleýmettik infraqurylymdy qalpyna keltirýge baǵyttalatyn bolady.
Eske salaiyq, QR Prezidenti Qasym-Jomart Toqaevtyń tapsyrmasy boiynsha Úkimettik komissiia turǵyn úilerge, áleýmettik jáne infraqurylymdyq nysandarǵa, qalanyń tirshiligin qamtamasyz etetin nysandarǵa tigizilgen zardapty baǵalaityn bolady.
«Arys qalasynyń turǵyndarynyń jaǵdaiyn búkil halyq alańdaýda, búkil el jumylyp atsalysýda. Osy rette “Nur Otan” partiiasynyń Arys turǵyndaryna kómek qolyn sozý maqsatynda qarajat jinaý bastamasyn qoldaýǵa shaqyramyn», — dedi Asqar Mamin.
Túrkistan oblysy Arys qalasynda zardap shekkenderge kómek kórsetý úshin oblys ákimdigi janynan ashylǵan «Túrkistan» korporativtik áleýmettik damý qoryna habarlasýyńyzǵa bolady.
Anyqtama: «Túrkistan» korporativtik áleýmettik damý qory rekvizitteri
Túrkistan oblasy
Túrkistan qalasy, Kyzylorda tas joly, 34 A ǵimaraty,
Poshta indeksi 161200
BSN (BIN) 100440016000
«ForteBank» AQ Túrkistan qalasyndaǵy filialy
JSK (IIK) KZ7196528F0007014540
BSK (BIK) IRTYKZKA
