Premer-Ministr Asqar Mamin qazaqstandyqtardy Táýelsizdiktiń 30 jyldyq merekesimen quttyqtady, dep habarlaidy "Ult aqparat" primeminister.kz saityna silteme jasap.
«Qurmetti qazaqstandyqtar, sizderdi Táýelsizdiktiń 30 jyldyǵymen quttyqtaimyn! 1991 jylǵy 16 jeltoqsanda Qazaqstan Respýblikasynyń Joǵarǵy Keńesi «Qazaqstan Respýblikasynyń memlekettik táýelsizdigi týraly» Konstitýtsiialyq zań qabyldady. Ótken jyldar ishinde Qazaqstannyń Tuńǵysh Prezidenti – Elbasy Nursultan Ábishuly Nazarbaevtyń basshylyǵymen elimiz áleýmettik-ekonomikalyq damý jolynda, memlekettilik pen halyqaralyq bedeldi nyǵaitýda eleýli jetistikterge qol jetkizdi. Memleket basshysy Qasym-Jomart Toqaev ekonomikany damytýǵa, halyqtyń ál-aýqaty men turmys sapasyn arttyrýǵa, eldegi beibitshilik pen qoǵamdyq kelisimdi saqtaýǵa negizdelgen strategiialyq baǵytty odan ári júzege asyryp keledi. Elimizde saiasi jáne áleýmettik-ekonomikalyq jańǵyrtý jumystary josparly túrde atqarylyp jatyr. Tarih úshin 30 jyl edáýir kóp ýaqyt bolmasa da, biz úshin bul – egemen memleketimizdiń qalyptasýynyń derbes joly», - dedi Mamin quttyqtaýynda.
Úkimet basshysynyń aitýynsha, Táýelsizdik árbir qazaqstandyqtyń óz eli men jeriniń igiligi úshin atqarǵan qajyrly eńbegimen, damyǵan jáne qýatty memlekette ómir súrýge degen umtylysymen nyǵaia túsedi.
«Kópultty Qazaqstan kúlli álemge halqymyzdyń kúshi birlikte ekenin jáne alǵa qoiǵan maqsattarǵa qol jetkizýge degen batyl umtylysynda ekenin kórsetti. Barsha qazaqstandyqty osy aitýly kún – Táýelsizdigimizdiń 30 jyldyǵymen quttyqtaimyn. Sizderge Qazaqstan Respýblikasynyń odan ári órkendeýi jolynda jańa tabystar men jetistikterge qol jetkizýdi tileimin! El Táýelsizdiginiń 30 jyldyq mereitoiy qutty bolsyn!», - dep túiindedi Ministrler kabinetiniń basshysy.
