QR Memlekettik «Saltanat» bi ansambliniń kórkemdik jetekshi qyzmetine ansambl direktory E.Kenjalievtiń buiryǵymen Tólegen Qýanyshbek Serikuly taǵaiyndaldy.
Tólegen Qýanyshbek Serikuly – qoiýshy-rejisser, «Shabyt» halyqaralyq baiqaýynyń II dárejeli laýreaty, «Trio de festival» jas halyq bishileri arasyndaǵy halyqaralyq bi baiqaýynyń gran-pri iegeri (Polsha), Qazaqstan Respýblikasy Tuńǵysh Prezidentiniń Qory stipendiiasynyń iegeri, «Túrksoi» halyqaralyq festivaliniń I dárejeli laýreaty (Túrkiia), 2015, 2019, 2022 jyly Qazaqstan Respýblikasy Mádeniet jáne sport ministrliginiń atynan Qurmet gramotasymen marapattaldy.
Tólegen Qýanyshbek Serikuly Qyzylorda oblysy Shieli aýdanynda 1993 jyly 17 maýsymda dúniege kelgen.
2002-2007 j.j. Qyzylorda oblysy, Shieli aýdanyndaǵy mýzyka mektebinde «Horeografiia» synybynda oqydy;
2009-2012 j.j. Júsipbek Elebekov atyndaǵy Respýblikalyq estrada-tsirk kolledjin «Horeografiialyq óner», «Bi ansambliniń ártisi» mamandyǵyn támamdady.
2012-2017 j.j. T.Júrgenov atyndaǵy Qazaq ulttyq óner akademiiasynyń «Horeografiia» fakýltetiniń «Rejisser» mamandyǵyn bitirdi.
Qýanyshbek Serikulyn jańa qyzmetimen quttyqtaimyz! Mol tabys pen sáttilik tileimiz. Rýhy biik halyqtyń mádenietine qosar úlesińiz zor, eńbegińiz jemisti bolsyn.
