Memleket basshysynyń Jarlyǵymen Qazaqstan Respýblikasy Memlekettik qyzmet isteri ministrligi qaita uiymdastyryldy. Elbasy «Qazaqstan Respýblikasynyń Memlekettik qyzmet isteri ministrligin qaita uiymdastyrý týraly» Jarlyqqa qol qoidy.
Aqordanyń resmi saity usynǵan Elbasy jarlyǵynyń tolyq mátinin nazarlaryńyzǵa usynamyz.
Qazaqstan Respýblikasy Konstitýtsiiasynyń 44-baby 3), 5) tarmaqshalaryna, «Qazaqstan Respýblikasynyń Prezidenti týraly» Qazaqstan Respýblikasy Konstitýtsiialyq Zańynyń 17-1-babyna sáikes, Memlekettik qyzmet júiesi men sybailas jemqorlyqqa qarsy is-qimyldy odan ári jetildirý maqsatynda qaýly etemin:
1. Qazaqstan Respýblikasynyń Memlekettik qyzmet isteri ministrligi ony Qazaqstan Respýblikasynyń Prezidentine tikelei baǵynatyn jáne esep beretin memlekettik organ retinde Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi etip qaita qurý jolymen qaita uiymdastyrylsyn.
Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi memlekettik qyzmet, sybailas jemqorlyq kórinisteriniń júieli aldyn alý jáne memlekettik kórsetiletin qyzmetterdiń sapasynyń saqtalýyn baqylaý salasyndaǵy ýákiletti memlekettik organ bolyp tabylady dep belgilensin.
2. Qazaqstan Respýblikasynyń Memlekettik qyzmet isteri ministrliginiń Sybailas jemqorlyqqa qarsy is-qimyl ulttyq biýrosy Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttiginiń Sybailas jemqorlyqqa qarsy is-qimyl ulttyq biýrosy bolyp qaita qurylsyn.
Sybailas jemqorlyqqa qarsy is-qimyl ulttyq biýrosy atalǵan Agenttiktiń qurylymynda vedomstvo mártebesine ie bolady jáne quqyq buzýshylyqtardyń aldyn alýdy, anyqtaýdy, jolyn kesýdi, ashýdy jáne tergeýdi júzege asyratyn quqyq qorǵaý organy bolyp tabylady dep belgilensin.
3. Qazaqstan Respýblikasynyń Úkimeti Qazaqstan Respýblikasy Prezidentiniń Ákimshiligimen birlesip bir ai merzimde osy Jarlyqtan týyndaityn sharalardy qabyldasyn.
4. Osy Jarlyq qol qoiylǵan kúninen bastap kúshine enedi.
Ult portaly
