Foto: egov.kz alyndy
Túrksib aýdandyq sotynda probatsiia qyzmetiniń A.Ápseitovqa qatysty buryn taǵaiyndalǵan jazany shartty túrde jazamen aýystyrý týraly usynysy qaraldy, dep habarlaidy Ult.kz. Bul týraly Almaty sotynyń áleýmettik jelidegi paraqshasynada jazylǵan.
Ótinish probatsiia rejimi talaptarynyń birneshe ret buzylýyna bailanysty usynyldy.
Sottalǵan azamattyń ýákiletti organǵa habarlamastan ákimshilik-aýmaqtyq birlik sheginen tys jerlerge shyǵyp, ol jerde oiyn-saýyq mekemelerine barǵany jáne ózin «Prezidenttiń sybailas jemqorlyqqa qarsy saiasatyna járdemdesý ortalyǵy» KMM tóraǵasynyń keńesshisimin dep tanystyrǵandyǵy anyqtaldy jáne Qazaqstan Respýblikasynyń qurmetti azamaty retinde is-sharalarǵa qatysyp, telearnalarǵa suhbat berdi.
Buǵan deiin Áýezov aýdandyq sotynyń 2023 jylǵy 2 qarashadaǵy úkimimen A.QR QK-niń 190-babynyń 4-bóliginiń 2-bóligimen (Alaiaqtyq) kináli dep tanylyp, 5 jylǵa shartty túrde bas bostandyǵynan aiyrý jazasy taǵaiyndalǵan.
Sot sheshimimen probatsiia qyzmetiniń usynysy qanaǵattandyryldy.
Shartty jaza naqty jazaǵa aýystyryldy.
Jazany óteý merzimi 2024 jyldyń 4 qarashasynan bastap esepteledi.
