Memleket basshysynyń Jarlyǵymen Nurlan Baiuzaquly Ermekbaev Qazaqstan Respýblikasynyń Qorǵanys ministri bolyp taǵaiyndaldy, dep habarlaidy "Ult aqparat" Aqordaǵa silteme jasap.
"Nurlan Baiuzaquly Ermekbaev Qazaqstan Respýblikasynyń Qorǵanys ministri bolyp taǵaiyndalsyn, ol Qazaqstan Respýblikasy Prezidentiniń kómekshisi – Qaýipsizdik Keńesiniń hatshysy qyzmetinen bosatylsyn" delingen Elbasy Jarlyǵynda.
1963 jyly 1 qańtarda Ońtústik Qazaqstan oblysynda týǵan.
1986 jyly KSRO Qorǵanys ministrliginiń Áskeri Qyzyl tý institýtyn qytai jáne aǵylshyn tilderin meńgergen ofitser mamandyǵy boiynsha úzdik bitirgen.
1996 jyly Qazaq sáýlet jáne qurylys akademiiasyn injener-ekonomist mamandyǵy boiynsha támamdaǵan.
Eńbek joly:
1984-1985 jyldary Angola Halyq Respýblikasynda qyzmettik issaparda boldy.
1986-1991 jyldary KSRO Qarýly Kúshteriniń qatarynda qyzmet etken.
1993-1995 jyldary – Qazaqstan Respýblikasynyń Qytai Halyq Respýblikasyndaǵy Elshiligi janyndaǵy saýda ókildiginiń aǵa sarapshysy.
1995-1996 jyldary – Avstriiadaǵy Qazaq saýda úiiniń Almaty ókildiginiń direktory.
1996-1997 jyldary – «Almaty saýda-qarjy banki» AQ basqarma tóraǵasynyń keńesshisi.
1997-1999 jyldary – «Iýnitek LTD» kompaniiasynyń bas direktory.
1999-2001 jyldary – «Qazaqstan halyq banki» AQ-nyń Beijiń qalasyndaǵy ókildiginiń basshysy.
2001-2003 jyldary – Qazaqstan Respýblikasynyń Qytai Halyq Respýblikasyndaǵy Elshiliginde keńesshi.
2003-2004 jyldary – Qazaqstan Respýblikasynyń Singapýr Respýblikasyndaǵy senimdi ýákili.
2004-2006 jyldary – Qazaqstan Respýblikasy Prezidentiniń Ákimshiligi Syrtqy saiasat ortalyǵynyń meńgerýshisi.
2006-2007 jyldary – Qazaqstan Respýblikasy Prezidentiniń Keńesshisi – Qazaqstan Respýblikasy Prezidentiniń Ákimshiligi Syrtqy saiasat ortalyǵynyń meńgerýshisi.
2007-2010 jyldary – Qazaqstan Respýblikasy Syrtqy ister ministriniń orynbasary.
2010-2012 jyldary – Qazaqstan Respýblikasy Prezidentiniń kómekshisi.
2012-2014 jyldary – Qazaqstan Respýblikasynyń Qytai Halyq Respýblikasyndaǵy Tótenshe jáne ókiletti elshisi. Vetnam Sotsialistik Respýblikasyndaǵy jáne Koreia Halyq Demokratiialyq Respýblikasyndaǵy Tótenshe jáne ókiletti elshisi qyzmetin qosa atqarýshy.
2014-2016 jyldary – Qazaqstan Respýblikasy Prezidentiniń kómekshisi – Qazaqstan Respýblikasy Qaýipsizdik Keńesiniń hatshysy.
2016 jyldan 2018 jylǵy sáýirge deiin – Qazaqstan Respýblikasy Din isteri jáne azamattyq qoǵam ministri.
2018 jylǵy 4 sáýirde Memleket basshysynyń Jarǵymen Qazaqstan Respýblikasy Prezidentiniń kómekshisi – Qazaqstan Respýblikasy Qaýipsizdik Keńesiniń hatshysy bolyp taǵaiyndalǵan bolatyn.
Tótenshe jáne Ókiletti Elshi dárejesine ie.
«Parasat» (2015) jáne «Qurmet» (2005) ordenderimen, sondai-aq basqa da medaldarmen marapattalǵan.
