Búgin Parlament palatalarynyń birlesken otyrysynda «Qazaqstan Respýblikasyndaǵy konstitýtsiialyq zańdylyqtyń jai-kúii týraly» QR Konstitýtsiialyq Keńesiniń jyl saiynǵy joldaýy jariialandy, dep habarlaidy QazAqparat.
QR Konstitýtsiialyq Keńesiniń tóraǵasy Qairat Mámi atap ótkendei, Konstitýtsiia - egemendigimizdi pash etetin, azamattaǵymyzdy aiqyndaityn mańyzdy qujat jáne tatýlyqty tý etken eldigimizdiń altyn qazyǵy. Ata Zańdy qurmetteý, buljytpai oryndaý - alǵa qoiylǵan biik maqsattarǵa qol jetkizýdiń alǵysharty. Memleket basshysy ókilettiginiń kóshýi, QR Prezidentiniń kezekten tys sailaýy Konstitýtsiianyń talaptaryna qatań sáikestikte ótti.
Sonymen qatar ol memlekettilik damýynyń jańa dáýirinde memlekettiń jáne azamattardyń eń basty mindeti Konstitýtsiianyń erejeleri men normalaryn qurmetteý ári júzege asyrý ekenin erekshe atap ótti.
Konstitýtsiialyq baqylaý organynyń joldaýynda Konstitýtsiialyq Keńestiń qorytyndy sheshimderin oryndaýda jaǵymdy úrdister baiqalady.
Máselen, onyń quqyqtyq ustanymdaryn iske asyrý úshin jyl basynda zańnamada memleket muqtajy úshin múlikti kúshtep aiyrý kezinde onyń qunyn óteý burynǵydai kadastrlyq nemese sharttyq emes, naryqtyq baǵasy boiynsha júzege asyrylatyny bekitildi. Atqarýshylyq is júrgizýde kúshtep ákelýdi qoldaný tártibi egjei-tegjeili rettelip, ony qoldaný protsesinde memlekettik organdar ókilettikteriniń ara-jigi ajyratyldy. Ákimshilik rásimdik-protsestik kodekstiń, halyqtyń kóshi-qony salasyndaǵy qoǵamdyq qytanastardy retteitin zańnyń jobalary, sondai-aq normashyǵarmashylyq protsesti jetildirýge, zańnamany júieleýge jáne quqyq qoldanýdy jaqsartýǵa baǵyttalǵan sharalar ázirlendi. Zańnamalyq aktilerdiń bir-birine qaishy keletin jáne azamattardyń quqyqtary men bostandyqtaryn buzýǵa jaǵdai jasaityn erejelerdi alyp tastaý boiynsha jumys jalǵasýda.
Konstitýtsiialyq is júrgizý praktikasyn jáne zańnamany damytýdyń qazirgi zamanǵy trendterin taldaýdy eskere otyryp, Konstitýtsiialyq Keńes elimizde quqyqtyq memleket qaǵidattaryn nyǵaitý boiynsha naqty usynystar engizdi.
Konstitýtsiialyq Keńes zańnamalyq massivti konstitýtsiialandyrý deńgeiin arttyrý qajet dep sanaidy.
Konstitýtsiialyq Keńes zańnamalyq massivti konstitýtsiialandyrý deńgeiin arttyrý qajet dep paiymdaidy. Usynymdardyń birqatary adam quqyqtaryn qorǵaý máselesine qatysty. Bul áielderdiń jáne balalardyń zańdy múddelerin qorǵaýdy kúsheitti. Onda menshik quqyǵyna qol suǵylmaýshylyq kepildikterin nyǵaitý, sot isin júrgizýdiń barlyq túrlerinde májbúrleý sharalaryn qoldaný tártibin jetildirý, qylmystyq protseste jekeshe aiyptaý isteri boiynsha jábirlenýshilerdiń quqyqtaryn keńeitý jáne basqa da usynystar qamtylǵan.
Qairat Mámi sottardyń qoldanysqa engizilgen quqyqtyq aktilerdiń konstitýtsiialylyǵyn tekserý týraly usynystarmen Konstitýtsiialyq Keńeske júginý múmkinshiligin keńinen paidalaný qajettigi týraly aitty.
Budan buryn habarlanǵandai, Májilis tóraǵasy Nurlan Nyǵmatýlin QR Parlamenti palatalarynyń birlesken otyrysyn shaqyrý týraly Ókimge qol qoiǵan bolatyn.
