Ulttyq qoljazbalar jáne sirek kitaptar ortalyǵynyń qyzmetkerlerine Jambyl oblysyndaǵy ǵylymi ekspeditsiia barysynda arab, parsy, shaǵatai tilderindegi 40-qa jýyq kóne qoljazba men sirek kitaptar tabystaldy, dep habarlaidy "Ult aqparat" QR Mádeniet jáne aqparat ministrliginiń baspasóz qyzmetine silteme jasap.
Kóne kitaptardyń ishinde XVIII ǵ. ortasynda ómir súrgen Allaiar Sopynyń óleńderi jazylǵan qoljazba, Paiǵambarlar ómirbaiany óleń túrinde jazylǵan qoljazba, Qazanda basylǵan Qasietti Quran Kárimniń birneshe danasy, túrik-osman avtory Mýhammad Chelebidiń 1894 j. Qazanda basylǵan «Mýhammadiia» kitabynyń birneshe danasy, «Máýlit» kitaby, Fizýli óleńderi, Hanafi mazhaby boiynsha irgeli eńbekterdiń biri «Sharh ál-Vikaia», 1893 jyly Stambýlda basylǵan «Sharh ál-Kafiia li-Isfahandi» bar. Sondai-aq Qoja Hafiz Shirazidiń parsy tilindegi ǵazaldary, Mýhammad Saliahtyń 1902 j. Qazanda basylǵan «Tardjama Mýhtasar ál-Vikaia» eńbegi, sondai aq Islam tarihyna qatysty, arab, túrki grammatikasyna qatysty kitaptar men musylman kúntizbesi de qundy muralar qataryn tolyqtyrdy.
Sonymen qatar, qoljazbalar ortalyǵynyń qyzmetkerlerine kitaptar saqtalǵan qundy jádiger qara bylǵarymen qaptalǵan sandyqsha qosa berildi.
Ǵylymi-zertteý ekspeditsiia barysynda ortalyq qyzmetkerleri Sh.Ýálihanov atyndaǵy Jambyl oblystyq ámbebap ǵylymi kitaphanasy, Tarihi-mádeni eskertkishterdi qorǵaý jáne qalpyna keltirý direktsiiasy men Jambyl oblystyq tarihi-ólketaný mýzeii jáne «Ejelgi Taraz eskertkishteri» memlekettik tarihi-mádeni mýzei-qoryǵy, Sherhan Murtaza atyndaǵy rýhaniiat jáne tarihtaný ortalyǵynda bolǵan qyzmetkerler birneshe qundy kitaptardyń kóshirmesin aldy.
