Qorǵanys ministrliginde apparattyq jiyn ótip, onda Qazaqstan armiiasyndaǵy ózekti máseleler qaraldy, dep habarlaidy "Ult aqparat" vedomstvonyń baspasóz qyzmetine silteme jasap.
Qorǵanys vedomstvosynyń basshysy áskerlerdiń bas qolbasshysy men qolbasshysyna, áskeri qyzmetshilerdiń táýliktik kezekshilikke (nariadqa) jáne jaýyngerlik kezekshilikke túsý jiiligin qaita qaraýǵa nusqaý berdi. Tym jii kezekshilikter, qaraýyldar sarbazdardyń óz mindetterine talapqa sai atqarýyna keri áserin tigizedi.
«Merzimdi qyzmettegi áskeri qyzmetshilerdi ásker qataryna qabyldaý jalǵasýda. 31 shildede shaqyrý aiaqtalǵanǵa deiin áskerge shaqyrylýshylardy PTR ádisimen COVID-19-ǵa tekserýdi jalǵastyrý qajet»,-delingen habarlamada.
Sondai-aq onda áýe qorǵanysy kúshterinde taktikalyq-saptyq sabaqtar ótkizilgendigi aitylǵan.
Ushý ekipajdary kúndizgi jáne túngi jaǵdailarda óz mindetterin oryndap, parashiýt daiyndyǵy boiynsha sabaqtar júrgiziledi. Áskeri ushý joǵary oqý ornynyń kýrsanttary da kásibi praktikadan ótedi. Bolashaq ushqyshtardy tájiribeli nusqaýshylar daiarlaidy. Ótken aptada Aqtaýda aviatsiialyq bazanyń jaýyngerlik daiyndyǵy tekserildi, onyń aviatsiialyq parki tórt Mi-35M tikushaǵymen tolyqty. Qazirgi ýaqytta tehnikany qabyldaý júzege asyrylýda.
Ministr túrli jaǵdailarǵa der kezinde den qoiý úshin aviatehnika men áskeri-kólik aviatsiiasynyń ekipajdarynyń daiyndyǵy myqty bolýy qajettigin eskertti.
Áskeri-teńiz kúshteri kemeleriniń ekipajdary jeke kememen belgilengen maqsaty boiynsha mindetterdi pysyqtaý jónindegi kýrstyq esepti oryndaidy. Kýrstyq tapsyrmalardy tapsyrý protsesi ár kemeni daiyndaý baǵdarlamasynyń quramdas bóligi bolyp tabylady.
Óńirlik qolbasshylyqtardyń áskerlerinde arnaiy-taktikalyq oqý-jattyǵýlar ótkizildi, mamandyq boiynsha daiyndyq aiaqtalýda. Oqý-jattyǵýdyń qorytyndysy boiynsha baqylaý sabaqtary uiymdastyrylady.
«2019 jyldyń uqsas kezeńimen salystyrǵanda árbir áskeri qyzmetshiniń oqý deńgeiin naqty baǵalaý kerek», – dep tapsyrdy Nurlan Ermekbaev.
«Ońtústik» óńirlik qolbasshylyǵynyń basqarý organdary «Aldaspan-2020» jedel-taktikalyq komandalyq-shtabtyq oqý-jattyǵýlaryna daiyndyq sheńberinde jinalys ótkizdi.
Tórtinshi bitimgershilik rotany BUU-nyń Livandaǵy missiiasyna jiberýge jaýapty laýazymdy tulǵalardyń baiandamalary tyńdaldy.
Qarýly Kúshter poligondaryn jappai tazalaý jumystary jalǵasýda.
Talqylaý armiialyq taktikalyq atystyń damýyna da áser etti. Buǵan deiin Qorǵanys ministri áskeri qyzmetshilerdiń túrli jaǵdailarda, atap aitqanda qozǵalysta, túregep turyp, tizeden, qozǵalystaǵy nysanalar boiynsha atý daǵdylaryn qalyptastyrý maqsatynda áskeri taktikalyq atý boiynsha jattyǵýlardy jaýyngerlik daiarlyq baǵdarlamasyna engizý týraly tapsyrma bergen bolatyn.
Qorǵanys vedomstvosynyń basshylyǵymen áskeri qyzmetshiler arasynda alǵashqy jarystar ótkizý tapsyryldy. Osyǵan bailanysty áskeri taktikalyq atý federatsiiasyn qurý týraly, jeke quramnyń jattyǵý protsesin uiymdastyrý úshin, Qarýly Kúshterde kópfýnktsionaldy atys ortalyǵyn qurý jóninde usynystar engizý týraly nusqaý berildi.
Qorǵanys vedomstvosynyń basshysy jalpy qaýipsizdik máselelerindegi Qarýly kúshterdiń árbir áskeri qyzmetshisi men qyzmetshileriniń jaýapkershiligi týraly eskertti. Qalǵan jeke quramnyń densaýlyǵyna qaýip tóndirmei, emdeý kýrstaryn jáne tolyq saýyqqanǵa deiin oqshaýlaý rejimin saqtaý kerek.
Ministr infraqurylymdy sapaly qalyptastyrýmen jáne meditsina mamandarynyń sanyn arttyrýmen meditsinalyq qyzmet bólimshelerdi damytý josparyn ázirleý mindetin qoidy.
2020 jyldyń sáýirinde Radiatsiialyq, himiialyq, biologiialyq qorǵaý jáne ekologiialyq qaýipsizdik departamenti quryldy. Búgingi jaǵdai Qarýly Kúshterde áskeri ýaqytta da, beibit ýaqytta da, túrli sipattaǵy tótenshe jaǵdailardaǵy mindetterdi oryndaýǵa qabiletti «qos maqsattaǵy» quramdaýyshtardyń bolýy qajettigin kórsetti. Osy áskerlerdiń qurylymy men quramy qazirgi zamanǵy talaptarǵa jáne perspektivalyq mindetterge sáikes kelýge tiis.
