Óńirlik qolbasshylyqtardyń birqatar áskeri bólimshesinde armiia sapyna jańadan qosylǵan sarbazdardyń ant berý rásimi ótti, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Astana, Almaty qalalarynan, Aqmola, Jambyl, Qaraǵandy, Pavlodar, Aqtóbe, Almaty, Túrkistan, Batys Qazaqstan jáne Shyǵys Qazaqstan oblystarynan merzimdi qyzmetke alynǵan 1 myń áskeri qyzmetshi týys-týǵandarynyń, komandirleri men qyzmettesteriniń, sondai-aq Ekinshi dúniejúzilik soǵys jáne QR Qarýly Kúshteriniń ardagerleri aldynda ant qabyldady.
Ant berý rásiminen keiin áskerlerdiń ata-analary kazarmalardy, ashanalardy aralap, sport qalashyqtary men klýbtarǵa bardy.
«Ulymnyń komandirleri jaqsy eken, kazarmalar jyly, ashana muntazdai. Ulymyzdy maqtan etemiz. Qyzmettesterimen birge ol naǵyz Otan qorǵaýshy bolý úshin áskeri istiń qyr-syryn meńgeredi», - deidi áskeri qyzmetshi Rasul Rýslanovtyń anasy Nazgúl Bekbosynova.
.jpeg)