QR Ishki ister ministrliginiń bir qyzmetkeri koronavirýs juqtyryp aldy. Bul týraly QR Ishki ister ministriniń orynbasary Iýrii Ilin aitty, - dep habarlaidy "Ult aqparat".
«Bizde bir qyzmetker indetti juqtyrýyna bailanysty qazirgi kezde em-dom qabyldap jatyr. Onyń densaýlyq jaǵdaiy turaqty», - dedi Iu. Ilin Ortalyq kommýnikatsiialar qyzmetinde.
Budan bólek ol infektsiiamen aýyrǵandarmen qarym-qatynysta bolǵan 530 adam anyqtalǵanyn jetkizdi. Olardyń birazy ózderiniń kásibi qyzmetin atqarýyn barysynda karantindik sharalarmen qamtyldy.
Ministrdiń orynbasary 30-ǵa jýyǵy statsionarlyq emdeýge jiberilgenin aitty.
«80-ge tarta adam úi jaǵdaiyndaǵy karantinde. Búginde kóbisi jumysqa shyǵyp, qyzmetin jalǵastyrýda. Ishki ister ministrligi qyzmetkerleriniń ómirine indet saldarynan qaýip tónýi jaǵdaiy bolmady», - dedi Iu.Ilin.
