QR IIM Memlekettik til jəne aqparat departamentiniń direktory Almas Sádýbaev ýaqytsha tirkeýden bosatylatyn azamattar sanatyn jariia etti, dep habarlaidy "Ult aqparat".
«Azamattardy tirkeýge qatysty máseleni aita keteiin. Jańadan salynǵan úilerdiń tiisti qujattary daiyn emes, sol sebepti osyndai úilerde turyp jatqan azamattar turǵylyqty jeri boiynsha tirkele almaidy. Osy jaǵdaiǵa bailanysty biz Joǵary sot, Bas prokýratýra, Ádilet ministrligimen arnaiy sheshim qabyldadyq. Jańadan salynǵan úilerde turyp jatqandardy jaýapkershilikke tartý durys emes.
Osy sheshimge sáikes, oblystardaǵy kóshi-qon politsiiasy bólimshelerine tiisti túsiniktemeler berildi. Buǵan qosa, Úkimet Qaýlysynyń jobasyna tolyqtyrý engizildi. Ol ýaqytsha tirkeýge jatpaityn azamattardyń sanatyn qarastyrady. Bular 16 jasqa tolmaǵan balalar, naýqas azamattar jáne emdelýde jatqandar, vahtalyq ádispen jumys jasaityndar, əskerdegi sarbazdar», - dep jazdy Almas Sádýbaev Feisbýktaǵy paraqshasynda.
