Jaýyn-shashynnyń mol jaýýy saldarynan turǵyn úilerdi, aýla aýmaqtaryn sý basqan jáne avtomobil kópirlerin sý shaiǵan Túrkistan oblysynyń eldi mekenderinen sý soryp shyǵaryldy. Jaǵdai turaqtandy. Evakýatsiialanǵan adamdar óz úilerine oralýda.
Bul týraly QR Tótenshe jaǵdailar komitetiniń baspasóz qyzmeti
Qazirgi ýaqytta Leńgir aýdanynda avariialyq-qutqarý jumystary júrgizilýde. Qutqarýshylar men jergilikti atqarýshy organdar sýdy soryp shyǵarý jáne aryqtardy, kóshelerdi tazalaý jumystaryn júrgizýde. Materialdyq zalaldy baǵalaý úshin aýlalardy aralaý jumystary júrgizilýde.
Tótenshe jaǵdaidyń saldaryn joiýǵa Tótenshe jaǵdailar departamentiniń jeke quramynan 52 adam, 27 motopompa jáne 15 birlik tehnika men jergilikti atqarýshy organdardyń quramynan 241 adam men 33 birlik tehnika jumyldyryldy.
Maqtaaral aýdanynda Nurlyjol, Ferdoýsi, Órgebas, Dostyq jáne Jeńis eldi mekenderinde 1030 úi sý astynda qaldy. Qorǵaý bógetterin turǵyzý, sý basqan aýmaqtardan sýdy soryp shyǵarý jáne halyqtyń múlkin evakýatsiialaý jumystary jalǵasýda.
Búgingi kúni 6,2 mln. astam tekshe metr sý soryldy. Jalpy uzyndyǵy 22 shaqyrym ýaqytsha bógetter salyndy, 87 000-nan astam qap tóseldi jáne sý burý úshin 3 kollektor ornatyldy.
«Órgebas aýylynda júrgizilgen jumystardyń nátijesinde avtokólik qozǵalysy úshin ishki avtojoldar ashyldy. Sondai-aq óńirde sý tasqynynan zardap shekken halyqqa meditsinalyq jáne psihologiialyq kómek kórsetý jumystaryn júrgizýde. Táýlik boiy IIM, Qorǵanys ministrigi, Tótenshe jaǵdailar qyzmetiniń 1626 qyzmetkeri men 324 birlik tehnika, 17 júzý quraly, 217 motopompa jumysyn jalǵastyrýda»,-delingen QR IIM Tótenshe jaǵdailar komitetiniń málimetinde.
