Úkimettiń baspasóz ortalyǵynda ótken baspasóz konferentsiiasynda QR ishki ister ministriniń orynbasary Iýrii Ilin sý tasqyny kezeńine daiyndyq týraly aityp berdi, dep habarlaidy "Ult aqparat" primeminister.kz saityna silteme jasap.
«Biz kóktemgi-sý tasqyny kezeńine daiyndyqtyń belsendi kezeńine óttik. Búgin tańǵy saǵat 6-dan beri respýblika boiynsha biz “Kóktem-2020” keshendi komandalyq-shtabtyq oqý-jattyǵýlaryn bastadyq, onda jergilikti atqarýshy organdardyń kúshteri men quraldarynyń, sondai-aq IIM bólimsheleriniń kóktemgi-sý tasqyny kezeńinde TJ-ǵa áreket etýge daiyndyǵy tekseriledi», — dep atap ótti Iu. Ilin.
Osy jyldyń 1 aqpanyndaǵy qardyń jinalý boljamyna súiene otyryp, QR IIM TJ týyndaý qaýpi joǵary ýchaskelerdi anyqtady. Bul — 600-den astam eldi meken.
«Qazir bizdiń bólimshelerimiz ákimdiktermen birlese otyryp, sý basý aimaǵynda qalýy múmkin halyqty habardar etip, reidtik is-sharalar júrgizip jatyr. Bundai jaǵdaida ózin qalai ustaý kerektigi týraly usynystar beremiz», — dedi Iu. Ilin.
Osy jyldyń 1 naýryzynda «Kazgidromet» AQ tolyq naqty boljamdy usynady. Odan keiin Ishki ister ministrligi qardyń kóp jaýýy baiqalatyn ýchaskelerdegi oqiǵalarǵa qatysty yqtimal nusqalardy pysyqtaýdy josparlap otyr.
Iu. Ilinniń aitýynsha, 26-27 aqpanǵa qatysty túsken daýyl eskertýleri, onyń ishinde Nur-Sultan qalasynda jel jyldamdyǵynyń kúsheiýi, jańbyr túrinde jaýyn-shashynnyń jaýýy boiynsha eskertýler qardyń erte eriýine sebep bolmaq.
«Kópjyldyq baqylaýlarǵa qaraǵanda, kóktem mezgili áldeqaida erterek keledi dep boljap otyrmyz. Naýryz aiynyń ortasy negizgi sharyqtaǵan shaǵy bolady dep oilaimyn. Ótken jylmen salystyrǵanda kóktemgi kezeń eki-úsh apta buryn bastalady», — dedi Iu. Ilin.
Vitse-ministrdiń aitýynsha, eń úlken qaýip Qaraǵandy oblysynda Nura ózeniniń saǵasynda belgilengen, onda úlken qar qory qalyptasyp, topyraqtyń tereń qatýy baiqalady, bul sýdyń joǵary aǵynyn, Nura ózeninde joǵary sý tasqynynyń paida bolýyn týdyrýyna ákelýi múmkin.
Qar qory boiynsha da Viachaslav sý qoimasynyń tolý qaýpi bar.
«Tiisinshe, qyzmetkerler Astanalyq kontr retteýishine jumys isteitin bolady, bul Nur-Sultan qalasyn tym kóp erigen qar sýynan qorǵaýǵa jáne Esil ózeni boiymen sýdyń ári qarai aǵýyna múmkindik beredi», — dedi vitse-ministr.
Sonymen qatar Aqmola oblysyndaǵy Jabai jáne Kolýton ózenderi boiynda da sý basý qaýpi bar. Atbasar jáne Kolýton eldi mekenderine osy ózenderdiń saldarynan sý basy qaýpi tónip tur.
Budan keiin eń kóp júkteme Soltústik Qazaqstan oblysynyń aýmaǵyna túsetin bolady, Aqmola oblysynyń aýmaǵyndaǵy barlyq ózender osy óńirge jetip, Sergeev sý qoimasy ózeniniń saǵasyna jetedi, al bul saǵa rettelmeidi.
Sonymen qatar Iýrii Ilin Nur-Sultan qalasyn sý basý qaýpi týraly aityp berdi.
«Biz bárimiz, Nur-Sultan qalasynyń turǵyndary, biyl qar kóp mólsherde jaýǵanyn bilemiz. Qazgidromettiń boljamynsha, bul normadan eki eseden astamǵa artyq. Kóshelerden, aýlalardan qar shyǵarý jumystary júrgizilýde. Árbir turǵyn bul jumystardyń qarqyndy júrgizilýin qalaidy, sebebi, kóktemniń shyǵýyna az ýaqyt qaldy», — dedi Iýrii Ilin.
Ministrdiń orynbasary biyl aqpan aiynda Nur-Sultan qalasynda aýa temperatýrasy kóterilip, jańbyr men qar jaýǵanda kei jerlerdi sý basqanyn atap ótti.
«Bizde kósheniń bir bóligi sý astyna ketti. Ákimdik qazir boljap otyrǵan kúrdeli jaǵdai ózenniń tómengi bóliginde, ózen ańǵarynda, qaladan tys, saiajailar ornalasqan jerde oryn alýy múmkin. Sý basýy yqtimal. Sonymen qatar aǵyn sýlar káriziniń jumysyn jolǵa qoimaǵan aýmaqtar – B. Momyshuly dańǵyly, Turan kóshesiniń boiy. Bul ýchaskelerde problema bar. Saldaryn joiý úshin TJK tarapynan kómek kórsetiletin bolady», — dedi Iu. Ilin.
Sý resýrstary komiteti Nura ózeniniń baǵytyna qarai kontr retteýishten shyǵaryndy kanalyn salý jobasyn usyndy.
«Ýchaskeler Nur-Sultan qalasynda belgilengen. Ákimdik sý basqan aimaqta qalýy múmkin turǵyndardy qulaqtandyrý sharalaryn júrgizip jatyr. Qajet bolǵan jaǵdaida, olardy evakýatsiialaityn bolamyz», — dedi Iýrii Ilin.
Ministrdiń orynbasary tótenshe jaǵdailardyń týyndaý qaterin tómendetý jónindegi Jol kartasynyń iske asyrylýy týraly aityp berdi. Jol kartasy aiasynda barlyq óńirler boiynsha 600 is-shara josparlanǵan. Jol kartasyn jalpy qarjylandyrý kólemi 130 mlrd teńgege jýyq: 78 mlrd teńge – respýblikalyq biýdjetten, 50 mlrd teńgege jýyǵy – jergilikti biýdjetten.
Jalpy, barlyǵy 400-ge jýyq is-shara júzege asyryldy. 36 sharanyń iske aspaý qaýpi bar. Olar birqatar obektivti sebepterge bailanysty ótken jyly iske asyrylmai qaldy. Premer-Ministr 2019 jyly iske aspai qalǵan sharalardy iske asyrý jáne 2020 jyly qalǵandaryn aiaqtaý týraly tapsyrma bergen.
Iu. Ilin Jol kartasyna iske asyrýdyń zor tiimdiligi bar ekenin atap aitty.
«Ótken jyly bizde sý basqan 1000 eldi meken boldy. Qazir biz ondai qaterdi azaittyq. Qazir 350-den az eldi mekende sý basý qaýpi bar», — dedi vitse-ministr.
