Ishki ister ministrligi oqý ortalyǵynyń bólim basshysy sottaldy, dep habarlaidy "Ult aqparat" QR QM Qarjy monitoringi komitetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, QR QM Qarjy monitoringi komitetiniń Shymkent qalasy boiynsha Ekonomikalyq tergeý departamenti júrgizgen sotqa deiingi tergep-tekserý barysynda QR IIM «B.Momyshuly atyndaǵy oqý ortalyǵy» (Shymkent q.) memlekettik mekemesiniń tehnikalyq bólim basshysy azamat B.Darhanbaev materialdyq jaýapkershilikke ie bola otyryp, ózine senip tapsyrylǵan bóten múlikti zańsyz iemdenip alǵany anyqtaldy.
Azamat B.Darhanbaev 2016 jyldyń 1 qańtary men 2018 jyldyń 1 tamyzy aralyǵynda mekemege janar-jaǵarmaimen jabdyqtaýshy seriktestikter jetkizgen jalpy quny 7 672 100 teńgeni quraityn AI-92 markaly 31 937 litr benzin men 18 202 litr dizel otynyn iemdenip aldy.
Oǵan qosa, azamat B.Darhanbaevtyń jasaǵan qylmysyn jasyrý maqsatynda quqyqtar beretin jáne mindetterden bosatatyn qujattardy, lazerlik printerdi paidalana otyryp, 10 jáne 20 litrlik 1770 dana benzin talondaryn, 888 dana dizeldik otyn talondaryn qoldan jasaǵandyǵy dáleldengen.
Qazirgi tańda Shymkent qalasy Ál-Farabi aýdandyq sotynyń úkimine sáikes B.Darhanbaev QR QK-niń 189-baby, 3-bóliginiń 1-tarmaǵy (osy baptyń birinshi nemese ekinshi bólikterinde kózdelgen is-áreketter, eger olar iri mólsherde jasalsa) jáne 385-babynyń 1-bóligi (quqyqtar beretin nemese mindetterden bosatatyn kýálikti nemese ózge de resmi qujatty qoldan jasaý ne mundai qujatty ótkizý, sol siiaqty qoldan jasalǵan mórtabandardy, mórlerdi, blankilerdi, memlekettik poshta tólemi belgilerin, Qazaqstan Respýblikasynyń nemese KSRO-nyń memlekettik nagradalaryn daiyndaý nemese ótkizý) boiynsha kináli dep tanylyp, 3 jyl jáne 6 aiǵa bas bostandyǵyn shekteý jazasyna tartyldy.
