ٸشكٸ ٸستەر مينيسترلٸگٸ وقۋ ورتالىعىنىڭ بٶلٸم باسشىسى سوتتالدى, دەپ حابارلايدى "ۇلت اقپارات" قر قم قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, قر قم قارجى مونيتورينگٸ كوميتەتٸنٸڭ شىمكەنت قالاسى بويىنشا ەكونوميكالىق تەرگەۋ دەپارتامەنتٸ جٷرگٸزگەن سوتقا دەيٸنگٸ تەرگەپ-تەكسەرۋ بارىسىندا قر ٸٸم «ب.مومىشۇلى اتىنداعى وقۋ ورتالىعى» (شىمكەنت ق.) مەملەكەتتٸك مەكەمەسٸنٸڭ تەحنيكالىق بٶلٸم باسشىسى ازامات ب.دارحانباەۆ ماتەريالدىق جاۋاپكەرشٸلٸككە يە بولا وتىرىپ, ٶزٸنە سەنٸپ تاپسىرىلعان بٶتەن مٷلٸكتٸ زاڭسىز يەمدەنٸپ العانى انىقتالدى.
ازامات ب.دارحانباەۆ 2016 جىلدىڭ 1 قاڭتارى مەن 2018 جىلدىڭ 1 تامىزى ارالىعىندا مەكەمەگە جانار-جاعارمايمەن جابدىقتاۋشى سەرٸكتەستٸكتەر جەتكٸزگەن جالپى قۇنى 7 672 100 تەڭگەنٸ قۇرايتىن اي-92 ماركالى 31 937 ليتر بەنزين مەن 18 202 ليتر ديزەل وتىنىن يەمدەنٸپ الدى.
وعان قوسا, ازامات ب.دارحانباەۆتىڭ جاساعان قىلمىسىن جاسىرۋ ماقساتىندا قۇقىقتار بەرەتٸن جەنە مٸندەتتەردەن بوساتاتىن قۇجاتتاردى, لازەرلٸك پرينتەردٸ پايدالانا وتىرىپ, 10 جەنە 20 ليترلٸك 1770 دانا بەنزين تالوندارىن, 888 دانا ديزەلدٸك وتىن تالوندارىن قولدان جاساعاندىعى دەلەلدەنگەن.
قازٸرگٸ تاڭدا شىمكەنت قالاسى ەل-فارابي اۋداندىق سوتىنىڭ ٷكٸمٸنە سەيكەس ب.دارحانباەۆ قر قك-نٸڭ 189-بابى, 3-بٶلٸگٸنٸڭ 1-تارماعى (وسى باپتىڭ بiرiنشi نەمەسە ەكiنشi بٶلiكتەرiندە كٶزدەلگەن ٸس-ەرەكەتتەر, ەگەر ولار iرi مٶلشەردە جاسالسا) جەنە 385-بابىنىڭ 1-بٶلٸگٸ (قۇقىقتار بەرەتiن نەمەسە مiندەتتەردەن بوساتاتىن كۋەلiكتi نەمەسە ٶزگە دە رەسمي قۇجاتتى قولدان جاساۋ نە مۇنداي قۇجاتتى ٶتكiزۋ, سول سيياقتى قولدان جاسالعان مٶرتابانداردى, مٶرلەردi, بلانكٸلەردٸ, مەملەكەتتiك پوشتا تٶلەمٸ بەلگٸلەرٸن, قازاقستان رەسپۋبليكاسىنىڭ نەمەسە كسرو-نىڭ مەملەكەتتiك ناگرادالارىن دايىنداۋ نەمەسە ٶتكٸزۋ) بويىنشا كٸنەلٸ دەپ تانىلىپ, 3 جىل جەنە 6 ايعا باس بوستاندىعىن شەكتەۋ جازاسىنا تارتىلدى.
