QR IIM ministrlik tarapynan kórsetiletin eń kóp suranysqa ie qyzmet túrlerin jariialady, dep habarlaidy "Ult aqparat" QR IIM-niń baspasóz qyzmetine silteme jasap.
Baspasóz málimetterine qaraǵanda, búginde ishki ister organdary kórsetetin 40 qyzmettiń 38-i (95%) avtomattandyrylǵan. 2020 jyly ishki ister organdary 8 mln. 937 myń memlekettik qyzmet kórsetti.
Onyń ishinde 8,5 mln-nan astam qyzmetti azamattar egov.kz portaly arqyly, sondai-aq Halyqqa qyzmet kórsetý ortalyqtarynda elektrondy túrde aldy. Tek politsiia bólimshelerine júgingen kezde ǵana 387,5 myń qyzmet qaǵaz túrinde kórsetilgen.
Osynyń ishinde avtokólikti tirkeý (2 mln. 366 myń), jeke basty kýálandyratyn qujattardy berý (2 mln. 253 myń) jáne júrgizýshi kýálikterin berý (986 myń), sondai-aq azamattardy turǵylyqty jeri boiynsha tirkeý (2 mln. 067 myń) eń kóp suranysqa ie qyzmetter bolyp sanalady.
Vedomstvo ókilderi atap ótkendei, tsifrlandyrý jumys tiimdiligin arttyrady, protsesterdi jeńildetedi jáne azamattarǵa memlekettik qyzmetterdi usyný merzimderin qysqartady, sondai-aq qyzmetkerlerdiń halyqpen tikelei bailanysyn boldyrmaidy jáne sybailas jemqorlyq qaýpin tómendetedi.
Ishki ister ministri Erlan Turǵymbaev IIM-niń Memlekettik qyzmet kórsetý salasyndaǵy eń basty ustanymy – qyzmetterdi avtomattandyrý, jedeldigin arttyrý, ashyqtyǵyn qamtamasyz etý jáne sybailas jemqorlyqty azaitý bolyp tabylatynyn atap ótti.
«Búginde bizdiń barlyq áreketimiz memlekettik qyzmetterdiń sapasyn jetildirýge baǵyttalǵan. Eń bastysy, adamdar olardy úiden nemese keńseden shyqpai-aq tez jáne eshqandai áýrege túspei ala alady. Sonymen qatar, sheshim qabyldaýdyń árbir kezeńinde ýaqytyly jáne obektivti oryndalýyn qadaǵalaý kerek», - dep atap ótti vedomstvo basshysy.
Budan basqa, tsifrlandyrý qyzmetterdi birtutas kórsetýge múmkindik beredi, iaǵni bir ótinish boiynsha birden ózara bailanysty birneshe qyzmetterdi alýǵa bolady (barlyǵy 9 qyzmet túri, olardyń 7-i 2020 jyly engizilgen).
Osylaisha, eńbek migranttaryna azamattardyń úi sharýashylyǵynda jumys isteýine ruqsat berýmen qatar («eńbek patenti» dep atalatyn), olarǵa JSN jáne ýaqytsha turýǵa ruqsat rásimdeledi. Buryn bul qyzmetterdiń árqaisysy bólek kórsetiletin.
Esepter men málimetterdi avtomattandyrý, ártúrli memlekettik organdardyń aqparattyq júielerin yqpaldastyrý vedomstvo kórsetetin birqatar qyzmetti joiýǵa múmkindik berdi.
Mysaly, 2019 jylǵy 1 qarashadan bastap turǵylyqty jerinen meken-jai anyqtamasyn berý joiyldy (jyl saiyn 10 mln-ǵa deiin berildi), 2020 jyldyń qańtar aiynda elde ýaqytsha bolatyn sheteldikterdi tirkeý toqtatyldy (jyl saiyn 1,2-1,6 mln).
Endi bul málimetterdi memlekettik organdar tikelei aqparattyq júielerden, al azamattar smartfondardaǵy mobildi qosymshalar arqyly alady.
Politsiianyń tirkeý-emtihan bólinisteri qysqartyldy, endi avtokólikterdi esepten shyǵarý jáne tirkeý, memlekettik nómir belgisin tańdaý jáne daiyn qujattardy jetkizýge tapsyrys berý qashyqtan júzege asyrylady, IIM bazalary boiynsha barlyq tekserýler avtomattandyrylǵan.
Ishki ister organdary júiesinde memlekettik qyzmet kórsetý protsesterin ońailatý, olardyń sapasy men halyqqa qoljetimdiligin arttyrý, ákimshilik kedergiler men sybailas jemqorlyq týǵyzatyn jaǵdailardy boldyrmaý jónindegi jumystar jalǵasa beredi.
