Búgin Shaisultan Shaiahmetov atyndaǵy «Til - Qazyna» ulttyq ǵylymi-praktikalyq ortalyǵy Ishki ister ministrliginiń ortalyq apparatynda latyn álipbiine kóshýdiń arnaiy jobasyn tanystyrdy. Bul týraly IIM-niń baspasóz qyzmetinen málim etti.
2017 jylǵy 26 qazanda Elbasy N.Nazarbaev «Qazaq tili álipbiin kirillitsadan latyn grafikasyna kóshirý týraly» arnaiy Jarlyqqa qol qoiǵan bolatyn. Osy Jarlyqty júzege asyrý maqsatynda 2018 jylǵy 13 naýryzda QR Premer-Ministriniń «Qazaq tili álipbiin latyn grafikasyna 2025 jylǵa deiin kezeń-kezeńimen kóshirý jónindegi is-sharalar josparyn bekitý týraly» ókimi shyqty. Atalǵan ókimniń 30-tarmaǵynda Qazaqstan Respýblikasy azamattarynyń pasporttary men basqa da jeke qujattaryn latyn grafikasy negizinde memlekettik tilde berýdi qamtamasyz etýge jaýapty organ QR Ishki ister ministrligi bolyp belgilengen. Sondyqtan Ishki ister ministrligi qyzmetkerleri úshin bul sharanyń mańyzy zor boldy.
Atalǵan ortalyqtyń Orfografiia basqarmasynyń basshysy, filologiia ǵylymdarynyń kandidaty Anar Fazyljan lektsiia barysynda jinalǵandardy qyzmet barysynda jii qoldanylatyn qazaq sózderiniń latyn álipbiimen jazylý úlgisin kórsetti. Sondai-aq, qazaq tilindegi kirme sózderdiń latyn árpimen qalai tańbalanatynyń tanystyrdy. Bul kirme sózder latyn grafikasymen jazylǵanda qazaqsha ekpinmen oqý kirilitsaǵa qaraǵanda áldeqaida jeńil ári qazaqy daýys ekpinine tolyq sáikes keletinine kópshiliktiń nazaryn aýdardy.
«Latyn árpi ulttyq sanany oiatýdyń bir tetigi. Qazaq tilinde negizinde 28 dybys bolsa, biz krillitsa boiynsha ony 42 árippen tańbalap kelemiz. Al latyn áripimen biz ony 26 árippen-aq tańbalaimyz. Máselen aǵylshyn tilinde 44 dybys bar, al olar ony nebári 26 árippen beredi. Basqa tilden zorlap engizgen artyq áripter ulttyq til erekshelikterin, tabiǵatyn buzatynyn ýaqyttyń ózi kórsetti. Sondyqtan biz latyn álipbiine kóshýdi bas qatyratyn arqyt áýre sanamaýymyz kerek. Túrkiia ulttyq tiliniń tabiǵatyn saqtaý úshin latyn álipbiine nebári segiz aida kóshken. Biz kirillitsany biraz ýaqyt qatar qoldanýdy josparlap otyrmyz. Negizinde ulttyq sanany, tildi bolashaq urpaqqa buzbai jetkizýdi qalaityn árbir patriot buǵan nemquraily qaramaýy kerek», - dep atap ótti ol.
Jiyn sońynda A. Fazyljanova latyn álipbiine kóshýge qatysty qoiylǵan suraqtarǵa jaýap berdi. IIM Kadr saiasaty departamentiniń basqarma bastyǵy Murat Jaqypbekov ministrlik basshylyǵy atynan til janashyryna tushymdy baiandamasy úshin alǵysyn bildirdi.
