بٷگٸن شايسۇلتان شاياحمەتوۆ اتىنداعى «تٸل - قازىنا» ۇلتتىق عىلىمي-پراكتيكالىق ورتالىعى ٸشكٸ ٸستەر مينيسترلٸگٸنٸڭ ورتالىق اپپاراتىندا لاتىن ەلٸپبيٸنە كٶشۋدٸڭ ارنايى جوباسىن تانىستىردى. بۇل تۋرالى ٸٸم-نٸڭ باسپاسٶز قىزمەتٸنەن مەلٸم ەتتٸ.
2017 جىلعى 26 قازاندا ەلباسى ن.نازارباەۆ «قازاق تٸلٸ ەلٸپبيٸن كيريلليتسادان لاتىن گرافيكاسىنا كٶشٸرۋ تۋرالى» ارنايى جارلىققا قول قويعان بولاتىن. وسى جارلىقتى جٷزەگە اسىرۋ ماقساتىندا 2018 جىلعى 13 ناۋرىزدا قر پرەمەر-مينيسترٸنٸڭ «قازاق تٸلٸ ەلٸپبيٸن لاتىن گرافيكاسىنا 2025 جىلعا دەيٸن كەزەڭ-كەزەڭٸمەن كٶشٸرۋ جٶنٸندەگٸ ٸس-شارالار جوسپارىن بەكٸتۋ تۋرالى» ٶكٸمٸ شىقتى. اتالعان ٶكٸمنٸڭ 30-تارماعىندا قازاقستان رەسپۋبليكاسى ازاماتتارىنىڭ پاسپورتتارى مەن باسقا دا جەكە قۇجاتتارىن لاتىن گرافيكاسى نەگٸزٸندە مەملەكەتتٸك تٸلدە بەرۋدٸ قامتاماسىز ەتۋگە جاۋاپتى ورگان قر ٸشكٸ ٸستەر مينيسترلٸگٸ بولىپ بەلگٸلەنگەن. سوندىقتان ٸشكٸ ٸستەر مينيسترلٸگٸ قىزمەتكەرلەرٸ ٷشٸن بۇل شارانىڭ ماڭىزى زور بولدى.
اتالعان ورتالىقتىڭ ورفوگرافييا باسقارماسىنىڭ باسشىسى, فيلولوگييا عىلىمدارىنىڭ كانديداتى انار فازىلجان لەكتسييا بارىسىندا جينالعانداردى قىزمەت بارىسىندا جيٸ قولدانىلاتىن قازاق سٶزدەرٸنٸڭ لاتىن ەلٸپبيٸمەن جازىلۋ ٷلگٸسٸن كٶرسەتتٸ. سونداي-اق, قازاق تٸلٸندەگٸ كٸرمە سٶزدەردٸڭ لاتىن ەرپٸمەن قالاي تاڭبالاناتىنىڭ تانىستىردى. بۇل كٸرمە سٶزدەر لاتىن گرافيكاسىمەن جازىلعاندا قازاقشا ەكپٸنمەن وقۋ كيريليتساعا قاراعاندا ەلدەقايدا جەڭٸل ەرٸ قازاقى داۋىس ەكپٸنٸنە تولىق سەيكەس كەلەتٸنٸنە كٶپشٸلٸكتٸڭ نازارىن اۋداردى.
«لاتىن ەرپٸ ۇلتتىق سانانى وياتۋدىڭ بٸر تەتٸگٸ. قازاق تٸلٸندە نەگٸزٸندە 28 دىبىس بولسا, بٸز كريلليتسا بويىنشا ونى 42 ەرٸپپەن تاڭبالاپ كەلەمٸز. ال لاتىن ەرٸپٸمەن بٸز ونى 26 ەرٸپپەن-اق تاڭبالايمىز. مەسەلەن اعىلشىن تٸلٸندە 44 دىبىس بار, ال ولار ونى نەبەرٸ 26 ەرٸپپەن بەرەدٸ. باسقا تٸلدەن زورلاپ ەنگٸزگەن ارتىق ەرٸپتەر ۇلتتىق تٸل ەرەكشەلٸكتەرٸن, تابيعاتىن بۇزاتىنىن ۋاقىتتىڭ ٶزٸ كٶرسەتتٸ. سوندىقتان بٸز لاتىن ەلٸپبيٸنە كٶشۋدٸ باس قاتىراتىن ارقىت ەۋرە ساناماۋىمىز كەرەك. تٷركييا ۇلتتىق تٸلٸنٸڭ تابيعاتىن ساقتاۋ ٷشٸن لاتىن ەلٸپبيٸنە نەبەرٸ سەگٸز ايدا كٶشكەن. بٸز كيريلليتسانى بٸراز ۋاقىت قاتار قولدانۋدى جوسپارلاپ وتىرمىز. نەگٸزٸندە ۇلتتىق سانانى, تٸلدٸ بولاشاق ۇرپاققا بۇزباي جەتكٸزۋدٸ قالايتىن ەربٸر پاتريوت بۇعان نەمقۇرايلى قاراماۋى كەرەك», - دەپ اتاپ ٶتتٸ ول.
جيىن سوڭىندا ا. فازىلجانوۆا لاتىن ەلٸپبيٸنە كٶشۋگە قاتىستى قويىلعان سۇراقتارعا جاۋاپ بەردٸ. ٸٸم كادر ساياساتى دەپارتامەنتٸنٸڭ باسقارما باستىعى مۇرات جاقىپبەكوۆ مينيسترلٸك باسشىلىعى اتىنان تٸل جاناشىرىنا تۇشىمدى بايانداماسى ٷشٸن العىسىن بٸلدٸردٸ.
