Laýra Sadyqova QR Indýstriia jáne infraqurylymdyq damý ministrligi Ónerkásip saiasaty departamentiniń direktory qyzmetine taǵaiyndaldy.
Bul týraly Indýstriia jáne infraqurylymdyq damý ministrliginiń Telegram kanalynan málim boldy, dep habarlaidy "Ult aqparat".
Laýra Úmitbekqzy Sadyqova Qaraǵandy oblysynda dúniege kelgen.
AQSh-tyń Michigan memlekettik ýniversitetinde ǵylymi taǵylymdaman ótken, «Bolashaq» prezidenttik baǵdarlamasynyń stipendiaty, Qaraǵandydaǵy «Bolashaq» ózekti bilim berý ýniversitetinde, K.A. Timiriazev atyndaǵy Máskeý aýyl sharýashylyq akademiiasyn bitirgen.
1996-2001 jyldary QR Bilim jáne ǵylym ministrliginiń Qazaq tamaq ónerkásibi ǵylymi-zertteý institýtynda ǵylymi qyzmetker jáne aǵa ǵylymi qyzmetker boldy.
2001-2002 jyldary QR Bilim jáne ǵylym ministrligi Ǵylym departamenti Ǵylymi-tehnikalyq baǵdarlamalar jáne aqparattyq infraqurylym basqarmasynyń bas mamany qyzmetin atqardy.
2002-2008 jyldary QR Aýyl sharýashylyǵy ministrliginiń AÓK damytý strategiiasy, ǵylym departamentteriniń bas sarapshysy, bólim bastyǵy, basqarma bastyǵy boldy.
2008-2009 jyldary QR Aýyl sharýashylyǵy ministrliginiń Qaita óńdeý ónerkásibi jáne DSU departamenti direktorynyń orynbasary boldy.
2009-2011 jyldary QR Aýyl sharýashylyǵy ministrliginiń «QazAgroInnovatsiia» AQ Basqarma tóraǵasynyń orynbasary boldy.
2011-2014 jyldary S. Seifýllin atynaǵy «Qazaq agrotehnikalyq ýniversiteti» AQ Basqarma tóraǵasynyń orynbasary - Ǵylym jáne investitsiialar jónindegi prorektory boldy.
2015-2019 jyldary QR Investitsiialar jáne damý ministrliginiń Tehnologiialyq jáne innovatsiialyq damý departamenti direktorynyń orynbasary qyzmetin atqardy.
2019 jyly QR Indýstriia jáne infraqurylymdyq damý ministrliginiń innovatsiialyq damý departamenti direktorynyń orynbasary qyzmetin atqardy.
2019-2020 jyldary QR Indýstriia jáne infraqurylymdyq damý ministrliginiń Tsifrlyq transformatsiia departamenti direktorynyń orynbasary boldy.
2020-2021 jyldary QR Indýstriia jáne infraqurylymdyq damý ministrliginiń Jobalyq basqarý departamenti direktorynyń orynbasary, direktory boldy.
Qazaq, orys jáne aǵylshyn tilderin meńgergen
Otbasyly, tórt balasy bar.
