Qanat Baiytov QR IIDM Indýstriialyq damý jáne ónerkásiptik qaýipsizdik komitetiniń tóraǵasy bolyp taǵaiyndaldy, dep habarlaidy "Ult aqparat".
QR Indýstriia jáne infraqurylymdyq damý ministriniń buiryǵymen Qanat Baiytov Qazaqstan Respýblikasy Indýstriia jáne infraqurylymdyq damý ministrliginiń Indýstriialyq damý jáne ónerkásiptik qaýipsizdik komitetiniń tóraǵasy laýazymyna taǵaiyndaldy.
Qanat Qurmashuly 1968 jyly Pavlodar oblysynda dúniege kelgen. Qaraǵandy politehnikalyq institýtyn, Kókshetaý ekonomika jáne menedjment institýtyn támamdaǵan.
1992-1994 jyldary «QazAltyn» TKBK Bestóbe kenishindegi №2 shahtanyń jer asty taý-ken masteri bolyp jumys istegen. 1994-1995 jyldary - «QazAltyn» TKBK Bestóbe kenishindegi «Zapadnaia» shahtasynyń bas injeneri. 1995-1999 jyldary - «QazaqAltyn» AQ Aqsý kenishiniń «Kapitalnaia» shahtasynyń bas injeneri.
1999-2002 jyldary - «Qamqor» AAQ ekonomika jáne qarjy jónindegi direktory. 2003-2008 jyldary Tsentr kredit bankiniń qurylymynda jumys istedi. 2008-2009 jyldary - «Óndiris kompaniia» JShS ekonomika jáne qarjy direktorynyń orynbasary.
2009 jyldan bastap Indýstriia ministrliginde jumys isteidi. 2009-2010 jyldary - metallýrgiia jáne himiia ónerkásibi basqarmasynyń basshysy, 2010-2011 jyldary -taý-ken ónerkásibi basqarmasyn basqardy, 2011-2014 jyldary - QR Indýstriia jáne saýda ministrliginiń Ónerkásip komitetiniń taý-ken metallýrgiia ónerkásibi basqarmasynyń basshysy.
2014-2019 jyldary - QR Investitsiialar jáne damý ministrliginiń Indýstriialyq damý jáne ónerkásiptik qaýipsizdik komiteti tóraǵasynyń orynbasary. 2019 jyldyń aqpan aiynan bastap QR Indýstriia jáne infraqurylymdyq damý ministrliginiń Indýstriialyq damý jáne ónerkásiptik qaýipsizdik komiteti tóraǵasynyń orynbasary qyzmetin atqardy.
