Sybailas jemqorlyqqa qarsy is-qimyl ulttyq biýrosy QR Investitsiia jáne damý ministrliginiń Geologiia jáne jer qoinaýyn paidalaný komitetiniń tóraǵasy Bazarbai Nurabaev basshylyq etken qylmystyq toptyń qyzmetin áshkerelep, jolyn kesti, - dep habarlaidy "Ult aqparat" kaz.tengrinews.kz portalyna silteme jasap.
Vedomstvonyń málimetinshe, Nurabaev Qazaqstan Respýblikasynyń territoriiasy boiynsha jer qoinaýyn paidalanýǵa kelisimshart jasaý úshin kásipkerlerden júieli túrde asa iri kólemde para alyp otyrý maqsatynda asa iri qylmystyq jospar qurǵan.
"Bul qylmystyq josparǵa Komitet tóraǵasynyń senimdi ókili - orynbasary N.Qurbanov. "Qazjerqoinaýy" jáne "Ońtústikqazjerqoinaýy" óńiraralyq departamenti basshylary A.Nurjaýbai men E.Ádilhanov, "Kazgeoinform" MB basshysy A.Ótegenov, Mańǵystaý oblystyq geologiia inspektsiiasynyń basshysy B.Mýtan, sondai-aq, Komitettiń qurylym bólimsheleriniń basshylary tartylǵan", - delingen habarlamada.
Sonymen qatar, B.Nurabaevtyń senimdi ókili M.Ábdrashevtyń (synyptasy) onyń sybailasy bolǵan delinedi. Olar dostyq qarym-qatynasta eken.
6 naýryzda B.Nurabaev "Akmola Gold" JShS ókilinen memlekettik jer qoinaýyn zertteýge kelisimshart jasasýǵa yqpal kórsetkeni úshin kezekti ret 20 myń AQSh dollary kóleminde para alyp jatqan jerinen ustalǵan.
Sonymen qatar, B.Nurabaev pen M.Ábdrashev para retinde 25 myń dollar bolatyn AUDI Q7 kóligi men Shymkentte quny 25 myń dollar bolatyn 3 bólmeli úi alǵan. Bul múlikter Ábdrashevtiń ulynyń atyna jazylǵan.
Sonymen qatar, onyń "SKPetroleum" JShS ókilinen 20 myń dollar alǵany anyqtalǵan. Munymen birge, ol Shyǵys Qazaqstan, Jambyl jáne Qaraǵandy oblystaryndaǵy jer qoinaýyn paidalanýshylardan kelisimshart jasasýda lobbilegeni úshin taýar-materialdyq qundy zattar alǵany anyqtalyp otyr.
Komitet basshysy aldy delingen jalpy para kólemi - 100 myń AQSh dollary. "Sondai-aq, Nurabaev pen Qurbaev qyzmettik ókilin asyra paidalanyp, qupiia qujatty paidalanyp, úlestes kásiporyndarǵa áleýetti ken oryndaryn zańsyz tirkegen", - delingen Antikorrýptsiia agenttiginiń habarlamasynda.
Nurabaev, Qurbanov jáne uiymdasqan qylmystyq toptyń 16 qatysýshysy QR QPK-niń 128-babyna sáikes Astana qalalyq IID ýaqytsha ustaý izoliatoryna qamaldy. Sotaldy tergeý jalǵasyp jatyr.
Aita keteiik, Bazarbai Nurabaev 2014 jylǵy 18 tamyzdan bastap Qazaqstan Respýblikasy Investitsiialar jáne damý ministrligi Geologiia jáne jer qoinaýyn paidalaný komitetiniń tóraǵasy qyzmetinde bolǵan.
